Ke ipotsa gore a ke teng gape golo gongwe mo lefatsheng.
A go na le yo o tshwanang le nna.
Yo o buang go tshwana le nna.
A o na le moriri e e itšhopeletseng jaaka wa me.
A o na le matlho le ditsebe jaaka tsa me.
A o tshega jaaka nna.
A o kgona go dira se ke kgonang go se dira…
... e bile a sa kgone se ke sa se kgoneng.
Ke lebile gotlhe fela go batla yo o tshwanang le nna. Ke ne ka tswela kwa phakeng ka leba ka fa morago ga ditlhare.
Ke ne ka leba gotlhe, kwa tlase le kwa godimo...
… ka leba le sefatlhego sengwe le sengwe.
Ga ke a bona ope yo o lebegang jaana nna mo lefelong lepe.
Ke nna fela mo lefatsheng lotlhe! Ke kgethegile, e bile seo ke boammaaruri!
Mme e seng nna fela a ga o bone? Go na le wena fela!