Ekadeni, kade khulu eplasini elalihlanu komzana…

bekukhona ikukhwana igama layo kunguDaisy.

"Mzukwana ngikhulako ngifuna ukuphapha, ngiphaphele phezulu, l e emafini," kutjho uDaisy.

Iinkukhu ezinye zamhleka.

"Hayi awujayeleki wena," kwatjho ezinye iinkukhu. "Angekhe sadlala nawe nangelanga lomhlolo."

Unina wathi, "Daisy, soke siyakwazi ukubhabhazisa amaphiko kodwana kubudisi bona ikukhu iphaphe."

UDaisy azange aphele amandla. Qobe ngamalanga ubezama ukuzijayeza ngokuphapha, abhabhazise iimpiko zakhe.

Bhabhabha, bhabhabha, bhabhabha, abhabhazise iimpiko zakhe kodwana zibhale ukusuka emhlabathini.

Nakasazijayezako nje, ucabanga sele aphaphela phezulu emkayini aqalela ezinye iinkukhu phasi. Uzicabanga sele aphapha adlula abotunwana adlula neenkonjani.

Ezinye iinkukhu zathi, "Wu! Ikukhu ekwazi ukuphapha!"

Maye ngamalanga uDaisy bhabhabha, bhabhabha, bhabhabha amaphiko.

Ubekwazi ukuphakamisa amaphiko abuye awele phasi.

UDaisy walila khulu, "Ngekhe ngisakwazi ukuphapha! Abanye balungile."

"Daisy uhlukile kwezinye iinkukhu. Azifuni ukuphapha kodwana wena uyakufuna! Kodwana ungakukghona," kwatjho unina kaDaisy.

Ilanga elilandelako uDaisy wakhwela phezu kwendlwana yeenkukhu wathoma bhabhabha, bhabhabha, bhabhabha waphaphisa iimpiko
zakhe.

Waphaphela emmoyeni wabhabhazisa iimpiko zakhe…wazibhabhazisa godu…

BAM!

Ezinye iinkukhu zahleka, zahlekela phezulu. "Ha ha ha! Sikutjelile bona iinkukhu azikwazi ukuphapha!"

Kodwana elangeni elilandelako uDaisy wakhwelela phezulu khulu, phezu kukarantabula.

Bhabhabha, bhabhabha, bhabhabha uDaisy wabhabhazisa iimpiko zakhe.

Waphaphela emmoyeni wabhabhazisa iimpiko zakhe… wazibhabhazisa iimpiko…bhabhabha, bhabhabha, bhabhabha uDaisy wabhabhazisa iimpiko zakhe.

Waragela phambili ngokuphapha! Ummoya ngaphasi kweempiko zakhe wamfuqula waphaphela
phezulu!

Abotunwana neenkonjana zathi ngokumangala, "Kuyamangaza! Ikukhu ephaphako!"

Ezinye zifuna ukufana noDaisy.

Zathi "Wu! Daisy uyamangaza."