Ge re tšea leeto la go sepela tseleng ye telele, re tla sepela mmogo re opela koša.

Ke tla ba le wena le wena o tla ba le nna. Go tšea leeto le ba lapa la gešo go bose.

O tla dula o fodile go swana le mmago matswianyana. O phela a e fa matswianyana a gagwe borutho ka fase ga maphego a gagwe.

Ge pula e ka thoma go na go tšwa marung, go swana le kefa yela ya go loka ke tla šireletša sefahlego ya gago gore se se ke sa koloba.

Ge maru a ka befelwa, a popoduma le go bopa, kgotlelela, o tla re o llelang? Ga o tee, o na le nna.

Re sepela mmogo bjalo ga re lewe ke bodutu. Bona! Lebelela kua! Bona kua re tšwago!

Ge o bona selo seo se kgahlago mahlo a gago, ga ke nyake go hlaelwa. Ka kgopelo mpontšhe le nna!

Ge maoto a gago a thoma go opa ka lebaka la tsela ye telele ye re e sepetšego, o se ke wa belaela, re fihlile mafelelong! Kliniki še.

Bobedi bja rena re swanela go hlahlobja megolo ya rena, maswafo le ditsebe. Gola, e ba monnatia, ga go na lebaka la go lla.

Naa o nagana gore go a tšhoša? Seatla sa ka ke se, se sware. Mooki o tla hlahloba kgatelelo ya gago ya madi ka lepanta la go hlahloba.

Ba re fa dihlare tša rena, ba re botša seo re swanelago go se tseba sa go re dira gore re dule re phetše gabotse. Bjale re boela morago gae.

Ke tshwanelo ge re lapile, re bone dilo tše di ntši. Bjale ke nako ya gago ya go robala. Robala botse gomme o lore ditoro tše di bose.