Kadzeni epulazini lelincane dvutane nemmango lomncane…

bekuhlala lintjwele lebelibitwa ngekutsi nguDaisy.

"Uma ngikhula, ngifuna kundiza ngiye etulu, etulu esibhakabhakeni," kusho Daisy.

Kepha tonkhe tinkhukhu tamhleka.

"Awetayeleki," kwasho tona. "Angeke sisadlala nawe."

"Daisy, sonkhe siyakwati kubhula timphiko tetfu kepha kulukhuni kutsi tinkhunkhu tindize," watjelwa ngumake wakhe.

Daisy akatange aphele emandla. Onkhe emalanga bekatetayeta kundiza ayedvwana, abhule timphiko. Bhu, bhu, bhu, abhule timphiko takhe kepha bekangaphakami emhlabatsini.

Kutsite lapho atetayeta kundiza, waticabanga andiza etulu esibhakabhakeni futsi tinkhunkhu atibuka ngaphasi kwakhe.

Waticabanga andiza endlula tinkonjane abuye futsi atendlule. "Hhohho! Kusho tinyoni. Inkhukhu lendizako!"

Wandiza emoyeni wabuye futsi wabhula timphiko takhe.

Bekaphakama asuke emhlabatsini kepha aphindze awe futsi.

"Angeke ngite ngikwati kundiza!" Daisy wakhala kumake wakhe."

"Ticinisile leti letinye."

"Daisy wehlukile kuletinye tinkhunkhu. Atifuni kundiza kepha wena uyafuna! Awukwati kundiza,"

Ngakusasa Daisy wagibela ehhokweni letinkhunkhu. Wabhula timphiko takhe, watibhula, watibhula. Waphindze wabhula timphiko takhe… waphindze wabhula timphiko takhe … waphindze …

BHU PHASI!

Leti letinye tinkhukhu tahleka kakhulu. "Ha ha ha! Sikutjelile! Tinkhukhu atindizi!"

Kepha ngakusasa Daisy wagibela waya etulu kakhulu, waya etulu engcongwaneni yelilonto!

Bhu, buhu bhu, Daisy wabhula timphiko takhe.

Wandiza emoyeni futsi wabhula timphiko takhe … wabuye watibhula timphiko takhe futsi …

Wachubeka wandiza! Umoya ngaphasi kwetimphiko takhe wahhusha ngemandla futsi wachubeka wandiza waya etulu, etulu!

Bojekwa netinkonjane batsi, "Kuyamangalisa! Inkhunkhu lendizako!"

Leti letinye tinkhunkhu nato tafuna kundiza.

Tatsi, "Halala Daisy, uyamangalisa!"