Khale ka khaleni exipurasanini…

…lexi a xi ri ekusuhi na muganganyana a ku tshama xikukwana lexi a xi vitaniwa Daisy.

"Loko ndzi kula, ndzi lava ku haha ndzi ya ehenhlahenhla empfhukeni," ku vula Daisy.

Kambe tihuku hinkwato letin'wana ti n'wi hleka.

"Wa hlamarisa swinene," va vula. "A hi nga ha tlangi na wena naswitsanana."

"Daisy, hi kota ku kavata timpapa ta hina kambe swa tika swinene eka tihuku ku haha," Mhani a n'wi byela.

Daisy a nga helangi ntamu. Masiku hinkwayo a titoloveta hi yexe, a karhi a kavata timpapa ta yena.

Kave, kave, kave, a ta kavata timpapa ta yena kambe a nga koti ku tlakuka ehansi.

Loko a karhi a titoloveta, u tianakanyile a karhi a hahela empfhukeni a languta tihuku leti a ti ri ehansi.

U tianakanyile a karhi a haha a hundza swindzingiri na timbewulani. "Mawaku!" swinyenyana a swi ta vula. "Huku leyi yi kotaka ku haha!"

A ta tlakuka ehansi kambe a tlhela a wela ehansi.

A ta tlakuka ehansi kambe a tlhela a wela ehansi.

"A ndzi nga pfuki ndzi hahile!" Daisy a rilela Mhani. "Lavan'wana va vula swona."

"Daisy, u hambanile na tihuku letin'wana. A va lavi ku haha kambe wena wa swi lava! U nga swi kota," Mhani a vula.

Siku leri landzelaka Daisy u khandziyile ehenhla ka xihahlu xa tihuku kutani a ku kave, kave, kave, a kavata timpapa ta yena.

U hahile a ya emoyeni, kutani a kavata timpapa ta yena … kutani a kavata timpapa ta yena … kutani a kavata timpapa ta yena … kutani …

BAMU!

Tihuku letin'wana a ti hleka swinene. "Kwa, kwa, kwa! Hi ku byerile! Tihuku a ti swi koti ku haha!"

Kambe siku leri landzelaka Daisy u khandziyile a ya ehenhla swinene, exihlungwanini xa rhandavula.

Kave, kave, kave, Daisy a kavata timpapa ta yena.

U hahile a ya emoyeni kutani a kavata timpapa ta yena … kutani a kavata timpapa ta yena … kutani a kavata timpapa ta yena … kutani …

U yile emahlweni a haha! Moya ehansi ka timpapa ta yena wu tiyelerile swinene kutani a ya ehenhlahenhla!

Swindzingiri na timbewulani swi ku, "Swa hlamarisa! Huku yo haha!"

Kutani tihuku letin'wana a ti lava ku fana yena.

Ti ku vula ti ku, "Yoo, Daisy, wa hlamarisa!"