Andiswa yabona abalenzi nga bazaanha omupiira. Yegomba nga ayenda kuzaanha nabo. Yaabuuza omutendesi oba asobola okuzaanha nabo.
Omutendesi yaata emikono gye mu nkende. "Mu isomero lino, abalenzi bonka naabaikirizibwa okuzaanha omupiira," Bwe yakoba.
Abalenzi baamukoba aje azaanhe ogwokubaka. "Ogwo nomuzaanho ogwa abaghala." Andiswa yaanhiiga.
Olunaku olwailaku, eisomero lyali no oluzaanho olukulu. Omutendesi yali ti musanhufu kubanga omuzaahni we asinga yali mulwaire nga tasobola kuzaanha.
Andiswa yaalumuka yo omutendesi yaamusaba okumwikiriza azaanhe. Omutendesi yali taidhi kya kukola. Era yaikiriza Andiswa azaanhe ku tiimu.
Omuzaanho gwali mugumu. Wazira eyateeba paka ekuwumulamu okusooka.
Mu kitundu eky'okubili mu muzaanho, omulenzi yawa Andiswa omupiira. Yaaja supiidi ku goolo yasamba omupiira na amaani yaateeba goolo.
Abantu baabwatuka ne eisanhu. Okuva noolwo, abaghala baikirizibwa okuzaanha omupiira ogwe ebigere mu buli isomero.