Awo olwatuuka, ku ilundiro e lyali awo kumpi ni kyalo Bukoko....

... yaabaayo akakoko akaali kayetebwa Deize.

Kaakobanga kati, "bwendikula nnhenda kuguluka nga ikoli."

Aye nga, enkoko edhindi dhikasekelera busekerere.

Enkoko dhiinaako dhaakakobanga dhiti, "okwo kwelaga." Era dhaalekera okuzaanhanga na ko.

Maama wa Deize yamukoba ati, "enkoko tidhisobola kuguluka dhityo, aye dhikuba bwa maghagha dhiti."

Aye Deize ono tiyawaamu maani. Era yaaja mumaiso nookukuba amaghagha aye nga tava ku itaaka.

Buli lwe yakolanga okwegezamu, nga yeebona nga aja ghala eino era nga neebinhonhi ebindi bili kumwewuunhya.

Atyo Deize bwe yeegezangamu buli lunaku nga akuba amaghaghage.

Nga abuukira waigulu aye yaamala ya gwa wansi.

Lulala, yaira yaakoba maama we ati, "tikairayo kuguluka era banange kye bakoba kituufu."

Maama wa Deize yaakoba ati, "enkoko edhindi ti dhenda kuguluka aye iwe nga bw'oyenda, yoongera okugezaku."

Enkyo lyaku, Deize yaniina waigulu ku muti era ya kuba amaghagha ge.

BAAMUU!

Enkoko edhindi dhaamuseekerera era dhamukoba dhiti, "twakukobera tuti enkoko ti dhibuuka aye towulira."

Olwenkyo, Deize yaniina waigulu ku muti kabiri n'okusingawo nga bwe yakola kulule era yaakuba amaghagha ge.

Deize yaaguluka mu ibbanga waigulu einho.

Deize yeeyongera okuguluka waigulu nga abita ni ku mpewo eya amaani!
Ebinhonhi ebindi byasigala nga byewunhya bwewunhye.

Era ne enkoko edhindi dhatandiika okumwegomba, nga dhenda kubeera ilala nga Deize.

Enkoko edhindi, dhatandiika okukoba dhiti, "Eh! Deize nga weewuunisa!"