Ahale, ekapa n'embeba jaali ja muhago.
Embeba jatagiha ohugotanga polapola.
Embeba esaahulu yaloma yiiti, "Ekapa jiri hutulyanga."
Embeba ekasi jaloma enyana jiiti, "Mwegenderese. Mutatulanga yi bulafu."
Embeba josijosi jegenderesa.
Jabanga mu maloŋo gaajo.
Ekapa enjala n'ejiri bubi jabuusa jiiti, "Embeba josijosi jiri ŋeena?"
Ekapa jasalaŋo ohuhyalira embeba jitegehe obugole.
Jaloma jiiti, "Muganye omuhaana weenywe mulala afumbirwe omuseere weefe."
Embeba nga jiroma ekapa jiiti, "Mwenda hutulya."
Olufanyuma embeba jefugirira obugole ohubaaŋo.
Ekapa jagobolayo ewaajo ni jehomba.
Huludaalo lw'ohugatibwa embeba jaali njegenderesa.
Ekapa joola nijiri hwemba olwembo lw'ohugatibwa.
Olwembo ni luloma luuti, "Mubaŋambe hubalye."
Embeba esaahulu nga yemba yiiti, "Mudulume, mbeba, mudulume."
Embeba esaahulu ng'eroma ekapa yiiti, "Sihuli ba muhago."