Lwali lulala, yaabayo Walube omuyala. Yali ali kutambula kwetooloola kibira nga anoonia kya kulya.
Yaatuuka ku muziru. Yaalengeraku ekifangata kye enziru enhenvu nga kili kulengeedhera ku lusaga olughanvu.
"Edho dhiboneka nga dhighooma," bwe yaloghooza. Yesendaku katono ati asobole okutuumira ghaigulu.
Enziru dhaali ghaigulu inho. Walube yaagwa ku mugongo gwe nga tasoboire na kugemaku ku lusaga.
Walube yaasituka era yairayo gheyatandikiire yasinzira. Yaalumuka, era kumpi atuke ghaigulu ekimala. Aye yaagwa akigwo ekisingawo.
Yaagezaku kabiri era kabiri. Aye tiyasobola kutuuka ku nziru. Yasigaala nga agwa okutuusa omugongo gwe bwe gwanuubuka einho.
Olwamalirira, yaabivaaku era yakuniambuka okuvagho.
Yaayemerera era yaalinga einhuma ku nziru. Endhala yaamweyongeramu. "Enziru edho bwene dhiboneka nga dhikaagha," atyo bwe yaloghooza.