Omurundi gumwe omushega gukaba nigutambura omukyishaka. gukaba gweine enjara. Gwareeba ekikoona nikyigurukyira ahaiguru yemiti kyiine enyama omukanwa.

Hmmm enyama ejo nerebeka nka enuzire! Ninteekwa kutaho oburyo bwoona kureeba ngu nagifuna," omushega gwatekateeka. oh, nafuna ekyindakore!" nikwe gwayegambire obwo guri kutsimuura omunwa. Gukaba gutarikwenda ngu ekikoona kyimanye ngu gwiine enjara.

Ekikoona kikaba kirikuguruka omukasheshe koona. Kyikasharamu kyashitama ahaitaagi. Omushega gwasharamu gwashitama ahansi yekiti.

Omushega gukeeta ekikoona nana akasheko kahango ahamatama, "Iwee kikoona! Noreebeka gye erizooba. Amooya gaawe nigarebeka kurungi kandi nigangashana. Notekwa kuba noyereberera kurungi.

Kikoona akahura yagira enshoni kandi yashemererwa kuyahuriire ekyi. Ekikoona kikaba nikyitekateka ngu nikyo kyamaani kandi kyiboneire kukyiza ebinyonyi ebindi.

"Nimpurira ngu niiwe oyine eiraka rirungyi ryokweshongora omu binyonyi byoona. Tokanyeshongorerayo akeshongoro omukasheshe aka?

Kikoona akahura kurungyi yasharamu yaimutsya amapapa geeye kweshongorera omushega. Kyikasindika ekyifuba kyaakyo aheeru nikwe kyityo kyarekura eiraka ryaheiguru munonga.

Ekikoona kukyatandikyire kweshongora, enyama yagwa ahansi omumaisho gomushega. Ekikoona kikarekyera ahoo kyareeba ahansi. Omushega gukaguruka gwakwata enyama gweiruka gwaaza omukyishaka. Ekikoona baakireka nana ekyiniga kandi kyiine enjara.