Akasuba kaalibalika sana mumpanga mushinta yalusuba.

Akanyelele kaali neecilaka inshita iitali.

Kaleekabila nootumenshi utwingatona kwibula.

Nomume nao takwali.

Akanyelele katile, "Nga nshasange amenshi, nalafwa. Nkandeyafwaya umumana."

Pushi aebele akanyelele ati, "Umumana nawisula namabimbi yaleeima kuti yakusenda."

Akanyelele katile, "Ine nganshanwe amenshi nalafwa. Ndineecilaka sana. Nkafwayefye umumana."

Kapitile mufisakasaka namu minsanse iyauma.

Mukwenda kaumfwile uko umumana ukalamba waleepooma! Wali mumana namabimbi.

Akanyelele kanwine amenshi mukwangufyanya panshita iitali.

Insansa ukufulisha takamwene uko amabimbi yaimine ilyo kaleenwa amenshi.

Akanyelele kalyeseshe ukwikatilila kucani lelo, Kaalisendelwe namenshi.

"Mutule! Mutule!"

Tapapitile nshita inkunda yaalishile na umusambo kukanwa aiti, "Angufyanya nina kukamusambo."

Panuma yakukapususha, akanyelele katile "Nalaikala panopeene mpaka inkunda ikabwele inkese tasha."

Bushiku bumo kwaishile abalumendo babili namalegeni.

Umo pabalumendo atile, "Pamumana uyu palesa inkunda. Twalalunga tobela pa cakulya ca cungulo."

Akanyelele katontonkenye ifyo kenga pususha inkunda nelyo kaba nomubili uunono.

Mukashita akanono Inkunda yaalishile mukunwa amenshi.

Akanyelele kaali namapange yakupususha Inkunda.

Eico katolokele pamulumendo nookumusuma palukasa icabipisha.

Umulumendo apundile ati, "Mayo! Mayo! Nafwa ine."

Inkunda yaumfwile icongo nookupupuka.

Efyo akanyelele katashishe Inkunda pakukapususha.