Nnhenda inho okuzaana ni munange Kyuma.

Tuli ba mukwano inho. Bwe batumaku omulala ku ife, twembiliri tugya.

Lulala, dhaadha yantuma ku iduuka kugula muunhu na bwito. Naaja ni Kyuma.

Ku ngira, twabona bainafe nga bali kuzaanha akapiira.

"Aah! Omupiira!" Ntyo bwenakoba. Zeena naayenda okuzaanhaku.

Naabuuza Kyuma, "Tubasabe oba banaatwikiriza okuzaanhaku nabo? Nnhenda inho okuzaanha akapiira."

Kyuma yairamu, "Tugye ku iduuka okusooka, memale twire tuzaanhe."

Aye naamwiramu nti, "Tuzaanheku okusooka! Dhaadha taidha kutwikiriza kwira."

Tweyunga ku banaife okuzaanha. Ninze nali mu goolo. Goolo dhali dha mabaale abiri amabba.

Nagezaaku nga bwensobola okugema omupiira. Banange tibaasobola kuntebamu waire goolo.

Twazaanha okutuusa ekisaaghe bwe kyafuuka nfuufu.

Memale twaja ku iduuka. Sente dha dhaadha dhali dhibuze! Naatandiika okulira. Kyuma yaalenkaana ati, "Lekera okulira. Wayenze kuzaanha okusooka."

Twairayo eka nga tuzira muunhu na bwito. Twali banhaga era beelaliikirivu.

Dhaadha yali munhiivu bwe twatuukira ghaka. Ekibuuzo kye yasooka okutubuuza kyali, "Mubaire gha ekiseera kino kyonakyoona?"

Twali no okumukobera ekituufu. Yaatusonhigha aye yaatulabula ati, "Timwirangayo kuzaanha nga muzira lukusa."

Twaja eyo okuliisa embaati. Oluvainhuma, tweyondha
twena twanhirira.