Saha siega n da be, ka na'ab da be buon Kayanja.

On ne o pua da kpera na'ab yir, ne ba puawoo Nabipɔk Apenyo. Apenyo, ba puawoo la, da maih me ka la ka saahe, ka boraa woo da boat ne ba di o. Amaa Na'ab Kayanja da bora puasol la'at berogo.

Na'ab sɔme da kpeer pɔre ne Na'ab Kayanja yir la, ka o wuor da buon Na'ab Parengyong Aludah. O wuor da buon 'parengyong' la laa o da ke ka o gilingiug la nireb zaa da dola on yel sier. (Nyensɔ n da bu sa'e, o toohereme ne pang pieleg!) Dumih ba'a n daa ko Na'ab Aluda po'a, la da bo keng ha, ka o da boat poa ne ole di.

Dezug na'ab buranyaaŋ, nengbina daanɔ, da paaga na'ab Kayanja sane ne o wol malem puasol malma ka di poa sarerɔ.

Ze'e ba bayi n'da sohet puasol la'at la yela, poasog Kakembo da womme. Poasog Kakembo me da aa sɔ n pɔt ne Nabipɔk Apenyo.

Na'ab Aludah da sa'a yee o nan zang o marem la'at poreget te Na'ab Kayanja, pa'ah ne siirig, puasol la'at la poone. Na'ab Aludah ne nabipɔk Apenyo poadir maahug la da aa ŋma'a ŋma'a. Na'ab la da mi yee o poawoo la poo ko piee ne pote den laa.

La da kpelma bakoe ka poadir malung la nan paa, ka puasuog Kakembo da keng Apenyo sane.

"M Nabipoa sonŋa, e ba' ma'ah e set-eleg ne na'ab Aludah, ka la aa bakoe n gaad," Kakembo da yela n nwala.

La da get Nabipɔk Apenyo me ka yiiga o da ze un et omeng siem. O da pana yel o puteer ne ha yee. "M ku maan ɛl na'ab Aludah, buranyang kan la. Aayi! La aa m zo Kalam paa Trevor ka te wolee o nan enŋa wala." Trevor da aa nabipɔk Apenyo gab.

Wuong kong, Apenyo da miih me yi na'ab la yir. O ba la n da bang'n on ya basiog, o da nan eng sunsuya pam. O da zoo nwala doh wosha'a gbanug ne, ne tengtuut ne, ne tah ne, ka pana bang paa Trevor sane. O da paa o yir ka tareg me, ne kom, ne konwuut.

"Man suhbuorem, lan taeh ka e zo yi kateng wa'arɔ e maa wuong kong la?" Trevor boeh nwala. O da fiŋa koom te o ne o ŋu ka voeh tea.

Trevor da bu ŋmibi ka yee Apenyo mar o nuor.

"M suhbuorem nabipɔka, la n daame ya?" Trevor n da bueh nwala. Apenyo da voeh fiau ka toa ne ninboog yee, "M ba n boad ne o pereg'm ɛleh na'ab Aludah, bun kpeong daan. Amaa man ku sa'a ɛl bun ware wɔ. Trevor, man buad n'e ɛla nyen, n'e nonŋre za'a. Ee, m sa'a namehug. Man nonge la zug."

"Ka nabipɔka, man ka lan nan maal e yella, emeng mi yee man aa nong daan," Trevor da fabela nwala. Apenyo da lebeh yee, "Man mi nwala, ka nye me ma aka man nan ɛl." Ka o le tiih kee ka yee, "Ke ka te keng Kattega, aarouŋ daan la sane k'o mar te yak moar door. Nwala la, te nan nyang zo ka m ba ko naan nye tee." Nyaan ka Na'ab Kayanja da te'n bang yee Nabipɔk Apenyo boreg yi me. O da taih o toon to.

Na'ab la ban guroo, o soja nam ne o toom tomereb la zaa da bɔ bo siog wuo ka dabo nye Nabipɔk Apenyo.

Ba da leb yel Na'ab la yee ba bo nye Nabipɔk Apenyo.

"la'n a ŋwala ya kpe'em woshag ne ne ya bɔ," Na'ab Kayanja taih ŋwala. O suih da nyii me pam.

Nabipɔk Apenyo ne Trevor n zoor yiem yiem ya' moar la nuor ne la, saa me da ya kome nyalo. Saa ne sanzeog n da pana damer kyen na.

Kattega aaroung da nɔ da me neŋa lora o aarouŋ, en a poadisaan demo n paa na. Trevor da yel Kattega ne o zaŋ ba ya'k moar la. Kattega za'ih me, o da yel yee ba yee sanze tenta'ar la n kyen na yiem yiem siem la bo nar ne ba kyeŋe.

Trevor da bo sa'e ka da pa'al lan ta'ih ka ba boad ne ba ya'k. O pana zaŋ nuug tum o suuha ne yiih la'apielig ne o te Kategga.

Kattega n da te'n womb a soheg la ka da le nye la'apelig la ka ka maih siem la, o da zo ba nimbog ka da pana sa'a ne o zaŋ ba ya'k. Hale ne sangon la n da a siem la.

Kattega da dareg aarouŋ la paa moar la gberoŋ ne kay el ba ne ba doma. O pana da zaŋ o aar-puoih piil moan aarouŋ ya'.

Na'ab Kayanja ne Na'ab Aludah n da ten paa moar la gberoŋ ne la, ba da nye nirib ba ta' k aba be aarouŋ la ne. Ba da baŋ yee buribig la ne bupuŋ la n'na da zoor ya'. Sanze tenta'ar la da dam aarouŋ la me ka Kattega da kɔŋ guogre.

Naab Kayanja da taih yee, "Apenyo, mbelemere, lebena! N saŋ daa hee ka ko dareg e ne Trevor tobere." Amaa la den sa'am me. Aarouŋ la da piblim me, kpa'a nirib ba ba ta' la woo baih kɔ tenta'ar la ne. Ba woo daa'n kpil me. Daan den zaŋre ya, sɔ woo Naab Kayanja teng-soolem la ne pana da dir bee o ɛl o'n boar sɔ. Bon daan wo'o! Noŋ daan wo'o!