E ne e le lehlabula le tjhesang hare morung o ommeng.

Kokonyana e monyenyane o ne a se na metsi matsatsitsatsi.

"Ke hloka lerothodi la metsi, leha le ka tswa lehlakung," ha tletleba Kokonyana e monyenyane.

Empa le mohodi o ne o se o apohile.

"Ebang ke se na metsi, ke tlo shwa," ha tletleba Kokonyana e monyenyane.

"Ke tlameha ho ya nokeng eo ke utlwetseng ka yona."

"Noka e tletse haholo ebile e matla. E tla o hohola," ha hlokomedisa mosha ya masene.

Empa Kokonyana e monyenyane o ne a nyorilwe haholo. "Ke tla shwa ebang ke sa nwe metsi."

Kahoo, a tsamaya ho ya batlana le noka.

A feta hlathe ya jwang le makala a omeletseng.

A tsamaya ho fihlela a utlwa metsi a qaputsa.
E ne e le noka!

O ne a utlwa maqhubu.

Kokonyana e monyenyane a nwa nako e telele metsing a phodileng.

O ne a thabile hoo a sa kang a bona leqhubu ha le tla.

Kokonyana e monyenyane o ile a leka ho itshwarella ka jwang bo neng bo phaphalla bo feta pela hae. Empa o ile a hoholwa ke metsi.

"Nthuseng hleng. Ka kopo, nthuseng!" a hweletsa.

"Potlaka, palama mona," ha rialo Leeba le lesweu, le tshwere lekala ka molomo.

"Ke tla ema mona ho fihlela ke leboha leeba," Kokonyana e monyenyane a qeta jwalo.

"Ke tla ema ho fihlela a fihla a tlo nwa metsi."

Tsatsi le leng ha a ntse a eme jwalo, bashanyana ba babedi ba tla nokeng.

Ba ne ba tshwere diketi tsa bona.

"Ho na le leeba le leholo le lesweu le tlang mona ho tla nwa metsi," ha rialo moshanyana e mong. "Re tla le ja bakeng sa dijo tsa mantsiboya kajeno."

"Nke ke ka dumella bashanyana bana ho bolaya Leeba," ha nahana Kokonyana. "Empa ke monyenyane haholo, ke tla etsa jwang?"

Ka ona motsotso oo Leeba le lesweu la fofela tlase ho tswa sefateng ho tla nwa metsi.

Kokonyana e monyenyane o ne a na le leqheka.

A qhomela hodima leoto la e mong wa bashanyana.
Kokonyana e monyenyane a loma moshanyana eo haholo kamoo a ka kgonang kateng.

Moshanyana a qhoma.

"Itjhu!" a hweletsa.

Leeba le lesweu la makalla seo haholo yaba le fofela polokehong.

Ke ka moo Kokonyana e monyenyane a ileng a leboha Leeba le lesweu ha a ile a mo pholosa.