Indir acel Gwok ocombo i tongi gi moro m'oyikere i kwoyo dhu malawa. Openjere ni, "Ogwaŋ mene m'oweyo tonge ka?"

Okwano tonge, onwaŋo apar to paro ni nyalo bedo tongi Mbata. To ketho i mugowa pere.

Odok gi tonge no peco pere to ketho ka malyeth.

Gwok oromo gi Ngona munyo ogik kendo i malawa. Ngona openjo go ni, "I neno raye tongan?" Gwok odwoko ni, ''Ongoye gima aŋeyo kwoŋ tongin.

Gi kenyo Ngona okidho pa ogwange je penjo tonge.

Kareno tonge oyido ocako toŋo acele acele.

Gwok otemo swa kuro nyithindhi Ngona, to cemo ku romo jo. Oyido kec neko nyithindhi Ngona kis hongo.

Ndir acel Ngona okidho pa Gwok rango tonge. Munyo ocungo woko, owinjo iy nyithindhi Ngona mor!

Ngona omwomere i ot to cwado Gwok gi yiwe. Gwok ogwe to por woko gi dirisa.

Ngona to ryemo aryema Gwok kir i malawa.

Gwok oywakere ni, "Cwakan, oyido akuya ni meno tongin!"

Ngona owinjo ywakirok pa Gwok to cwako go. Okwanyo nyithindhe to tero fonjo jo buko pi.