Dine disiku ce-Kalunga vadiji nkwenda mungulugulu lusulo.

Ce-Ndomondo nombe vadiji kukoko, vadiji nkwenda-jenda ni kudyaga makonde gambone ga mavisi.

Ce-Ndomondo nganivawonaga ce-Kalunga vala kuti vadiji papopo. Kwa yiyoyo, mwa ngosi vadivete ncikambato ce-Kalunga vala. Ce-Kalunga vagumisile ni kwasakadicila ce-Ndomondo, "M'mwe ce-Ndomondo! Ana ngankulola kuti nkudivata cikambato cangu?"

Ce-Ndomondo vavendile pepani kwa ce-Kalunga, "Ngundandawula n'nope bwanawe! Wune nganinambonaga. Conde mungululucile." Nambo ce-Kalunga, nganapikanila pepani-jo ni vagumidila ce-Ndomondo, "Ntesile mele-pe ayi! Disiku dine, cincilola ni kudipisya!"

Sano pele ce-Kalunga vajile kwasosa ce-Moto ni vatite, "Njawule ni nkacome ce-Ndomondo pacakacuwuce m'mesi kupita ncidya makonde. Vele andivete!" Ce-Moto ni vaajanjile kuti, "Yangadikandu bwanawe ce-Kalunga. Wune cindende ya mbendile-yo."

Pawujo pakwe, ce-Ndomondo vadiji nkudya makonde pakutadikangana ni lusulo. Vasisimwice, "Cuuee!" Malamba ga moto gatandite kucoma manyunya ga ce-Ndomondo.

Ce-Ndomondo vatandite kudila ni kuwutucila m'mesi. Manyunya gawo gose-pe gatinice ni moto. Ce-Ndomondo nganajimicila kudila, "Manyunya gangu gatinice ni moto! Ncomile manyunya gangu gose-pe! Manyunya gangu ngagakuwoneka! Manyunya gesalale gala!"

  Ni kwa yiyoyo, ce-Ndomondo vangatadicila ni mesi, gogopa kuti catinice ni moto. Ce-Kalunga vasangalele n'nope pavatinice ce-Ndomondo ni moto. Acitiji, "Mucisye!"