Ko va bazi rin'we ntsena emugangeni wa ka va Ebei. I yikulu naswona i ya muhlovo wa wasi. A yi ba huwa swinene.

Siku rin'wana, mhani wa Ebei u te, "Mundzuku hi ta ya edorobeni ku ya xava yunifomo ya wena ya xikolo."

Ebei a nyanyukile swinene. A va ta famba hi bazi lerikulu ra muhlovo wa wasi. A nga etlelangi vusiku byebyo.

Ebei se a ambarile loko mhani wa yena a ta ku ta n'wi pfhuxa.

Ebei na mhani wa yena va yile evuyimelatibazi. Va yimerile bazi lerikulu ra muhlovo wa wasi. Kambe bazi a ri fikangi.

Vanhu van'wana va fikile evuyimelatibazi. Va vilerile hikuva bazi ri hlwerile. "Xana bazi ri hi siyile?" va vutisa.

Ebei a vilela. "A hi nga swi koti ku ya edorobeni. A ndzi nga swi koti ku kuma yunifomo ya mina," a ehleketa.

Van'wana vanhu va lan'wile kutani va tiyela emakaya. Kambe Ebei u ririle naswona a nga lavi ku ya ekaya. Mhani wa yena a n'wi khongotela a ku, "Hi ta yima nkarhinyana wo leha."

Hi xihatla, va twile huwa. Va vona ritshuri emoyeni. Bazi a yi ri eku teni!

Kambe bazi ya kona a yi nga ri ya wasi. A yi ri yikulu. Bazi a yi ri yo tshwuka naswona yitsongo. Vanhu lava a va ri yimile va langutile bazi. A va yi khandziyangi.

"Nghenani! Nghenani!" ku huwelela muchayeri. "Hi hlwerile swinene namuntlha," ku vula muchayeri.

Ebei na mhani wa yena va vile vo sungula ku khandziya. Hi nkarhi wutsongo munhu un'wana na un'wana u nghenile ebazini ro tshwuka ritsongo.

Ebei u hlometerilr ehandle hi fasitere. U vonile vanhu vo tala evuyimelatibazi.

Van'wana vanhu vo tala a va ri ku tsutsumeni va hatlisela ku ya khandziya bazi. Kambe va hlwerile swinene. Bazi a ri tele. Bazi ro tshwuka ri sukile ri ya edorobeni.

"Xana ri kwihi bazi lerikulu ra muhlovo wa wasi?" ku vutisa mhani wa Ebei. "Ri tshovekile," ku hlamula muchayeri. "Hi le ku ri lunghiseni. Ri ta ta mundzuku," ku engetela muchayeri.

Ebei a nga ri na mhaka na muhlovo wa bazi. A a nga ri na mhaka na ku kula ka bazi. A a tsakile hikuva bazi a ri ya edorobeni.