A ri ri siku ro hisa hi ximumu exihlahleni xo oma.

Xisokotana a xi vangi na mati masiku yo tala.

"Ndzi lava thonsi ra mati, hambiloko ro huma eka tluka," ku rila Xisokotana.

Kambe hambi mberha wu omile.

"Loko ndzi nga ri na mati, ndzi ta fa," ku rila Xisokotana. "Ndzi fanele ku ya enambyeni lowu ndzi nga twa hi wona."

"Nambu wu tele naswona wu na matimba. Wu ta ku khukhula wu famba na wena," maxindyana xi n'wi tsundzuxa.

Kambe Xisokotana a xi ri ni torha swinene. "Ndzi ta fa loko ndzi nga nwi matsongo." Hakunene, xi fambile ku ya lava mati enambyeni.

Xi fambile xi hundza xintshitshi xa byanyi ehenhla ka marhavi yo oma.

Xi fambile ku kondza xi twa ku haxa ka mati. A ku ri nambu! A xi kota ku twa magandlati.

Xisokotana xi nwile mati yo titimela nkarhi wo leha.

A a xi tsakile hikuva a xi vonangi gandlati ri ri eku teni.

Xisokotana xi bvungile byanyi byin'wana lebyi a byi xi hundza. Kambe xi khukhuriwile hi mati.

"Ndzi pfuneni vanhoo! Ndzi kombela mi ndzi pfuna! Xi huwelela."

"Hatlisa, khandziya ehenhla," ku vula Tuva ro Bava ri khomile rhavi hi tontswi ya nomu ya xona.

"Ndzi ta tshama kwala ku kondza ndzi khensa tuva," ku vula Xisokotana.

Siku rin'wana loko xa ha yimile, vafana vambirhi va tile enambyeni.

"Ku na tuva ro basa leri taka laha ku ta nwa mati," ku vula mufana un'wana.

"A ndzi nga swi koti ku pfumelela vafana va dlaya Tuva ro Basa," ku anakanya Xisokotana.

Endzhaku ka sweswo, Tuva ro Basa ri hahela ehansi ku suka emurhini ku ya nwa.

Xisokotana a xi ri na miehleketo.

Xi tlulerile eka nenge wun'we wa mufana.

Mufana u tlurile. "Yoo!" a ba huwa.

Tuva ro Basa a ri chavisa kutani ri hahile ku va ri hlayiseka.

Leyi hi yona ndlela leyi Xisokotana xi nga khensa Tuva ro Basa ku va xi ri ponisile.