A ku hisa swinene hi Muqgivela nindzhenga hi N'wendzamhala.

"Bontle, Mpho na Lerato, fambani mi ya tlanga!" ku vula mhani wa vona. "A ndzi mi lavi ehansi ka milenge ya mina." Hi humele ehandle ka yindlu hi xihatla.

"A hi yeni enambyeni," ku vula Lerato. "Ka titimela le." "Kambe mhani va hi byele leswaku hi nga khidi enambyeni," ku vula Bontle. "A hi nga khidi," ku hlamula Lerato. "Kambe hi ta tlanga endzhutini kusuhi na mati."

Kambe ku tlanga i ntirho wo tika, hambiloko u tlanga ehansi ka mirhi kusuhi ni nambu. Xo sungula hi hluvula tintangu ta hina. Kambe a hi kumeka ha ha twa ku hisa. Endzhaku hi hluvula tihembe ta hina na swikete. Kambe a hi tama ha ha twa ku hisa.

Hi nghenisile mikondzo ya hina endzeni ka mati ku yi titimeta. Endzhaku ka sweswo hi haxanile hi mati. Hi nkarhi wutsongo a hi tsakamile hi mati.

"Yoo, yana emahlweni! A hi khideni," ku vula Mpho. "Mhani a nge swi tivi." Hi khidile na ku khida ivi hi rivala hi mayelana na nkarhi.

Dyambu ri sungule ku pela, ivi ku sungula ku titimela. Xana swi kwihi swiambalo swa hina?

Hi swi lavile ehansi ka mirhi. Hi swi lava na le henhla ka marhavi. Hi swi lavile hinkwako.

A ku ri na tintswele tin'wana kusuhi na nambu, ti tiphina hi byanyi byo nandziha. Bontle u langutile, "Languta ntswele liya! Xana i yini lexi nga enon'wini wa yona?" "Yi dya xiluva xo tshwuka," ku vula Lerato. "A hi xiluva xa rihlaza," ku huwelela Mpho hi rito ra le henhla. "I hembe ya wena!"

Hi langutile eka ntswele leyin'wana leyi a yi ri eku ncakunyeni ka xin'wana xa muhlovo wa wasi. "Lexiya i xiketi xa mina!" ku huwelela Bontle hi rito ra le henhla.

Hi yile ekaya hi ambarile swirhangisi swa hina, hi karhi hi rhurhumela. Kambe ku nga ri hikokwalaho ka ku titimela. "A yi ri mhaka ya tintswele," hi ririle. "Tihomu ti dyile swiambalo swa hina."

Kambe xana Mhani u hi tshembile? Hi nkarhinyana xiphemu xa hina xa le hansi a xi kufumela swinene. Naswona a xi nga humi eka dyambu.