Kale kale kwa simuluho nekuna ni bashemi bababotana. Nebana nimwana feela alimung'wi, yabizwa Nokungu. Nabamulata ahulu.   Asahulile bashemi bahae bamulumela kumalumahae, Mtonyama yanafumile. Bomaye Nonkungu bamulukiseza libyana zelatiwa zende nikulita nimuhala omufubeli, bamulukiseza nilikunopo ni bufaha.    Nonkungu akala musipili wahae wakuyopila mwahae ya malumahae.

Mwamusipili wahae, Nonkungu atofita fa kanukanyana. Asila kanukanyana nikutokopana nimusizani yanatinile libyana zamakamba. Musizani ambuza, "Uya kai?" "Niya kwakupotela bomalume bo Mtonyama," Nonkungu ahala. "Kihande, bo Mtonyama kibo malume nina! Nina nimwa musipili wakuyobapotela," sabulela musizani. Bakala kuzamaya amoho. Asebazamaile kanako, musizani ali ku Nonkungu, "Libyana nibufaha bwahao kizendel. Nakupa niitikanyeze mwateng'i."

Hopani yahalaba, "Aniteni mwateni pili konji felukafitela fa kota yeng'wi." Sasupa kota yeho yefal lilundu kwatuko. Asebafitile fakota, Nonkungu abuza Hopani, "Cwale nakupa kufiwa libyana zaka nibufaha bwaka." "Nituwele pili nitine mwateni kufitela fa simu fale," abulela Hopani. Hape asupa fa simu yekwa tuko nilizulu. Nonkungu nasabile, kono asalumela.

Hopani yahalaba, "Aniteni mwateni pili konji felukafitela fa kota yeng'wi." Sasupa kota yeho yefal lilundu kwatuko. Asebafitile fakota, Nonkungu abuza Hopani, "Cwale nakupa kufiwa libyana zaka nibufaha bwaka." "Nituwele pili nitine mwateni kufitela fa simu fale," abulela Hopani. Hape asupa fa simu yekwa tuko nilizulu. Nonkungu nasabile, kono asalumela.

Kwamafelelezo seba fita fa simu. Hape Nonkungu abuza Hopani, "Cwale nife libyana ni bufaha bwaka." "Nituwele pili nitene mwateni kufitela faka buma fokwinzi basali," yabulela Hopani. Kono hape assupa fakabuma kakali buhule ainyani. Cwale bazamaya ona cwalo. Aseba sutelezi fakaufi nikabuma, Hopani yamukasheza mwamulaho Nonkungu nikumatela kwapata.

Hopani ye yataluseza basali ba fa kabuma, "Amubone musizani yo yatinile makamba. Nasweli kunilatelele lizazi kaufela. Nenilakaza kuli kambe waya kusili nikunisiya." Basali baitemuna kuli babone Nonkungu. Nakomokile maswe mi amatela kwa mulaka nikuyoipata. Onafo Hopani yaya kwandu yamalume Mtonyama. Abulela katabo, "Kina Nonkungu mwana wabanyani bamina boma. Bashemi banilumile kutopila nimina."

Mtonyama nilubasi lwa hae bamutambula musizani. Neba mubabaleze hande haulu. Nonkungu nibubotana bwahae alobala kwamula nikuca lico zalinja. Nako yamusiyali aipata mwasimu nikuhopela pina ye: "Na mubotana, na mubotana. Nenilumilwe kubondate ni bome kuli nitopila nib o malume Mtonyama. Mwamusipili waka nakopana ni Hopani niku niingela libyana ni bufaha bwaka. Oh bubotana bwaka, bubotana bwaka."

Lizazi leliling'wi, mwana wa Mtonyama nazamaya kwa simu. Ahutwa pina yesisumuna mubili yamanyando. Nasazibi yana hopela, kono ayofita kwandu, ayotaluseza bondatae manzwi apina yeho. Mtonyama aya kwasimu. Ahutwa pina nikutalimela kuli ahutwe mutu yo mane amufumana Nonkungu.

Nonkungu ataluseza malumahae zeneliyezalile kaufeela. Mtonyama amwisa kwa ndu yahae nikuyomupata mwaka bum. Nazeba zanabata kweza kuli akwacise Hopani. Mtonyama nautwile kuli muhata wa Hopani ulata ahulu mabisii nikuli Hopani aikoni kufitelela fokuinzi  mabisi isikanwa mwateni. Abulelela baana bahae kuli bahae kuli bayepe musima nikubeya mabisi mwateni.

Mtonyama abiza basizani bamunzi kaufeela kuli bakanganisane mwapapali yakutula. Hopani aikalelwa ahulu. Nasalati kutula fa musima. Hopani naziba kuli muhata wahae ukashwa linyolwa lakunwa mabisi. Akena mwasitungu nikuyotamelela muhata wahae kaku utiisa kamwanakonela. Afeza cwalo akopana nibasizani balikani bahae mwapapali ye.

Musizani ni musizani atula fa musima kono nako ya Hopani yafita yakutula. Alika kutula kono muhata wahae watamuluwa. Muhata wa Hopani wamuhowela mwamusima fafasi, kwa mabisi.

Hopani inge itamulela kuzwa mwa musima wa mabisi, kapiloipili baana bankufa kuselela musima nimubu nikupumbeka Hopani. Neli ona mafelelezo aHopani. Nonkungu apila hande nibomalumahae katabo ninyakalalo kwanako yetelele.