Kale kale kwa simuluho nekuna ni muuna yana na ni sitombo sesituna maswe fa lihutu la hae. Nasa koni kuyema kapa kuzamaha. Muuna yo na pila ni nimusali nibana nibana bahae.

Mwabunyali bwabona nebana ni bashimani babalalu ni musizani alimung'wi. Mwana wa musizani neli yena Nangila. Neli yena mubabaleli wabo ndatae. Bashimani neli balimi mi hape neli balisani balimonanu.

Neli musizani yomunde haulu Nangila. Batu bamunzi kaufela nebamu lata ni kumufa likute. Bashemi ba hae nebamulakaliza muuna yomunde. Nebafile koto yetuna kakukatulula kuli bafumane muuna yaiketile.

Yanabata kunyala Nangila kaufeela naswanela kubata mulyani wa mwalisa leli kwatuko ni munzi. Mulyani wo neuka folisa ndatae Nangila. Kono lisa neli tezi milimu yemaswe.

Baana babang'wi nebalikile kunga mulyani konao nebapalwezi. Babang'wi babana nebapalezwi kukuta nikwa hae.

Taba ye yabilaeza Nangila. Neli balwani bae babashimani neba palelwa nikuya kwa lisa. Aitombola kuyobata mulyani wo anosi. Bomaye bali kuyena, "Mwanake, aiba baana babatihile bapalwezi, ukakwanisa?" Yena Nangila naitukisize kale.

Kwa musipili wa Nangila wakuya kwa lisa, akopana nikacembele kakatengenyeze likota. Nangila akatusa kacembele ka kushimba mutio wakona. Kacembele ka kaitumela haulu. Kali ku Nangila nikakubulelela mwakukopanela ni mulimu wa lisa ni mwa kulatelela aso ufitile kwateni.

Nangila asafitile kwa likamba, abona mulimu walusika lwa hae inge anwa ni kubina. Alibelela nikutalimisisa milimu inge ilobala mane kuya fa buloko kaufeela ayona.

Aseilobezi milimu nangila aiposeza mwa lisa. Afumana mulyani nikulonga mwa mukotani wa hae. Kwaba nimandinda amatuna inge atapa kuliba kwa likamba.

Nangila asafitile kwa likamba milimu yazuha mi asaba maswe kono aopela pina yana lutilwe ki kacembele: Na mwana wa Wekesa, Nizwa kwa lisa. Neni tile bakeng'isa lindume zena niboi kutaha.

Nangila nana nilinzwi lelinde mane milimu yamukupa kuli akutele kuopela pina kakukutiseza. Muopelelo Nangila wakutiseza milimu mwabuluko. Nangila amata kalubilo lolukomokisa konji asafitile mwa hae.

Sicaba kaufeela nesilibelezi kukuta kwa Nangila. Abafeza kwalafa bo ndatae nimulyani wakwa lisa bakala kuyema hape. Munzi kaufela wafelela mwa kubina nikulumbeka Nangila.