Kale kwa simuluo, nekuna ni mulena yana bizwa Kayanja. Napila mwa muleneng'i ni musala hae nimwana wae wa musizani mukwae Apenyo. Mukwae Apenyo neli musizani omunde ahulu kuli muuna ni muuna nabata kumunyala. Kono mulena nabata malobolo amang'ata maswe ya mukwae wa hae.

Kwatuko ni muleneng'I wa mulena Kayanja neku pila mulena yabizwa Aludah yo muhulu. Nabizwa yomuhulu kakuli mutu kaufeela namufa likuta. (Nana ni buhali ahulu ku mutu yana sa mufi likuta.) Musali wa mulena Aludah nasashwile onafa mi nabulailwe kibutu bwa litomapa kappa malalia mi hape muna Aluda nabata kunyala musali yo mung'wi.

Kono kuli mulena yanunile aya ku mulena Kayanja kuyolifa masheleng'i abufumu amwana wa mulena yena mukwae. Fo inge basambolisana baana ba babeli fa teko yakulifa, mutanga wa musali yena Kakembo abautwa mwa ngambolo yabona. Mutanga Kakembo nebautwana haulu ni Mukwae Apenyo.

Mulena Aludah alumela kufa bufumu bwa hae fa hali 'hafu' ku Mulena Kayanja, kukopanya ni ndonga, niyona neibeilwe fa bufumu bwa malobolo analifiwa. Kuitukiseza za sinawenga neli lukisizwe kakunutu fahali ya mulena Aludah ni mulena Kayanja. Mulena Kayanja naziba kuli mwana hae mukwae Apenyo ana kutabela kalitukiso ze.

Ase kusiyezi sunda iling'wi sisikafita kale sinawenga, mutanga Kakembo aya ku mukwae Apenyo. "Mulikani mukwae, bondatao balukisize sinawenga sa hao ni mulena Aludah, hape sikaba mwa sunda iling'wi yese isiezi," abulela Kakembo.

Mukwae Apenyo akomoka ahulu mane lwa pili nasazibi zakweza. Kono asanana, "Anina kunyala mulena Aludah, muuna yale yomukima. Alina kwezahala! Niswanela kuya kakwankufa ku Trevor nikubona zakona kweza lusikalieha." Trevor neli yena nyazi wa Apenyo.

Busihu onabo Apenyo atoba mwa lapa. Kuli kambe bondatae nebazibile kono aya kambe neba nyemile maswe. Amata inge ashela shela mwa mushitu otibani nibunsu mwa machwe nili cechani mane ayofita ku Trevor. Afita kwandu ya hae na katezi mi naswelwi ki tala ni linyolwa.

"Mulatiwa waka king'i aumata cwana mwa musipili omutelele unosi ka nako ye yabusihu?" abuza Trevor. Amufa mezi akunwa niku mulumeleza kupumula. Trevor napalelwa kucinahala ana salibelezi Apenyo kuli akandeke.

"Mukwae waka hape kibutata bufi?" abuza Trevor. Apenyo abuela kakutosaela nikubulela kakusaba nitabo, "Bondate babata kuninyalisa ku mulena Aludah yomuhulu. Kono anikoni kunyala silengwami sa muuna yale. Trevor, na nibata wena kuli uninyale ni ahuli mubotana. Niitukisize kunyanda. Nakulata."

"Kono mukwae anina sakulifa kwa malobolo ahao, waziba niwena," abilaela Trevor. Apenyo ahalaba, "Naziba, kono kiwena feela yakona kuni nyala." Anahana fa kanako kakanyinyani nikubulela, "Aluye kumufuluwi Katega alusilise fabuse yanuka. Alukaeza cwalo lukatoba nikusaboniwa ku bondate."

Kwamulaho kwa muleneng'i bamutonda Apenyo mi alaela batanga ba hae kuli bamubataule mwa munzi kaufela. Masole ni baliteli bamulena nibatu kaufela balika kubata kono bapalelwa kumufumana Mukwae Apenyo. Bakutela ku mulena nikumubulelela kuli Apenyo nasabonwi. "Kanti ye amuye mwa mushitu muyomubata," alaela Kayanja. Nanyemile maswe.

Anebaliba kwa nuka bo mukwae Apenyo ni Trevor kakwankufa, malu apula akala kukwala lihalimu mi ba ankufa kataha kwa likamba. Pula yetuna neitaha.

 Katega mufuluhi ni mubeti wa mikolo nabeta mukolo wa hae balilato labona abaliba kuyena. Trevor abulelela Kategga kuli abasilise fabuse anuka. Kategga ahana kubasilisa, abataluseza kuli nekutaha pula yetuna ahulu nikuli nekusabisa kusila.

Trevor ataluseza Kategga kazene basilela fabuse. Akena mwapokoto ya hae nikuzwisa keta nikufa Kategga. Abona cwalo Kategga nikuhutwa litangu labona nikubona keta yende, abashwela makeke. Alumela kubasilisa fabuse ni anekusiyo hande kusila bakeng'isa moya omaswe.

Kategga asunda mukolo bukaufi nikubabulelela kuli bakene mwamukolo. Ananula silabo sa hae nikukala kufuluha. Abatofita malena bo Kayanja nibo Aludah fa likamba, babona batu babalalu inge basila nuka mwa mukolo. Baziba kuli balatiwa bababeli nebatobile.

Moya omutuna wafefaula mukolo wa Kategga mi apalelwa ku ukotopa hande, mi mulena Kayanja ababiza kalizwi lelipahami, "Apenyo, amukute kwa mulaho! Anina kumifa koto kapa kaufela amina ni Trevor." Kono nebali yehile. Mukolo watiba nibatu babalalu baposezwa mwa mezi atungile abuba ahulu nimandinda. Batiba kaufeela. Kuzwa lizazi leo, mutu kaufeela nakona kunyala mutu ufi kapa ufi kusina ketululo mwamu leneng'i, mufumi kapa mubotana.