Kaindi, kwakali musimbi wazyina lya Kalabushe. Ooyu musimbi wakali mukanazi. Banyina bakamulaya kuti atanikwaambaulisyi, pele Kalabushe tanaakaswiila.

Bumwi buzuba, mwana okwabo abanyina wakaciswa. Mukaintu ooyu, wakali kukkala kudindi lyakali kutalaa munzi wa Kalabushe.

Banyina Kalabushe bakajisi bubi buzuba oobo. Aboobo kwalisiide kale banyina nobakamutuma kuti atole cakulya kumusyoonto wabo wakacisidwe.

Katola cakulya, Kalabushe wakaswaanya Sinson. Ooyu wakali suntwe wakaba muntu.

Suntwe wakabuzya ncaakabwezede Kalabushe. "Nyama, mayi a mukupa," Kalabushe wakavwiila. Banyina Kalabushe bakalimucenzyede kuti taakeelede kwaamba ncaakayumwide.

Kalabushe wakaambila Suntwe kuti mwana okwabo banyina wakali cisidwe. Aboobo wakali kubatolela cakulya.

Suntwe wakalunduka cakufwambaana kuya kubasyoonto banyina Kalabushe.

Suntwe wakamena mwana okwabo abanyina. Mpoona wakalivwumba payi lyabo.

Naakasika Kalabushe, kwakaluumwine amunzi. Wakaunka mung'anda akwiita, "Baama, muli kuli?"

Taakalimvwa jwi lya mwana okwabo abanyina. Mpoona wakaunka kuzyuli ooko nkobakali koona. Wakagambwa kubona muntu wakavwumbidwe payi pati.

"Baama, nkaambo nzi matwi aanu sunu mapati?" Kalabushe wakabuzya. Suntwe wakavwiila kunsi apayi kati, "Kutegwa ndikumvwisisisye."

Kalabushe wakabuzya alimwi kati, "Baama, ino meso aanu akomena buti sunu?" "Kutegwa ndikubonesyesye."

Kalabushe wakabuzya camamanino, "Ii, Baama, Ino mulomo wanu wakomena buti sunu?" Suntwe wakati, "Kutegwa ndicikonzye kukulya." Suntwe wakasotoka kuzwa mubulo akumena Kalabushe.

Akaambo kakuti Kalabushe wakali mukanazi, wakazumanana kwaambaula mwida lya Suntwe. Wakabuzya mibuzyo minji.

Kumamanino aamibuzyo eeyo, Suntwe wakakatazyigwa, mpoona wakayeeya buyo kuti amuswe.

Musimbi ooyu a mwana okwabo abanyina bakafwutulwaa basimunzi. Kuzwa buzuba oobo Kalabushe wakaleka kwaambaula makani manji kubantu mbatazyi.