Akasuba kalibalile saana mulusuba ninshi na mumpaanga na muuma.

Kanyelele tanwinepo amenshi pa nshiku ishingi.

"Ndefwaya itoni lya menshi nangu fye lya kutona kwibuula," efyasosele Kanyelele.

Nomba nangu muume walyuma.

"Nga nshinwinepo amenshi nalaafwa," efyalilile Kanyelele. "Ningile ukuya kumumana naumfwapo."

"Umumana naawisula kabili uli na maka. Uleekusenda," efyo Akabundi kamano kasokele Kanyelele.

Leelo Kanyelele aali neecilaka saana. "Nalaafwa nga nshinwine amenshi." Elyo abweleelemo mukufwaya umumana.

Apitile pafikako fya fyaani na pamisambo yauma.

Aendele mpaka aumfwile uko amenshi yaleesansa. Waali mumana! Aumfwile amabimbi ya menshi.

Kanyelele aminine umusa uutali uwamenshi yatalala.

Atemenwe cibi icakuti tamwene nooko ibimbi lyaleeisa.

Kanyelele aeseshe ukwikatilila kucani caleelela ukupita apo ali. Leelo apyangiilwe kumo na menshi.

''Mutuule! Mutuule!'' efyo aitile.

''Endesha, niina apa," efyo inkunda yabuuta yatiile, naikata na kamusambo mukanwa kaiko."

"Nalaaikala pano pakuti ntootele kunkunda," efyo Kanyelele atontonkenye.    "Nalaalolela mpaka abwele mukunwa amenshi."

Ubushiku bumo ilyo aaleelolela inkunda, abalumendo babili baishile ku mumana. Baliikwete imilegeni.

''Kwaliba inkunda iikulu iyabuuta iisa mukunwa amenshi," efyasosele umulumendo umo. "Twalaaliila ubushiku.

''Nshaleke abalumendo ukwipaya inkunda yabuuta," efyatontonkenye Kanyelele. "Nomba naalicepesha, kuti nacita shani?

Elyo inkunda yabuuta yaapupukile panshi ukufuma kucimuti mukunwa amenshi.

Kanyelele atontonkenye ifyakucita.

Aatolokele palukasa lwa mulumendo umo. Kanyelele asumine ulya mulumendo na maka yakwe yonse.

Umulumendo aalitolweke. Elyo apundile," Mayo!"

Inkunda ya buuta efyo yatulumwike nookupupuka. Efyo yapuswike.

Efyo Kanyelele atooteele inkunda yabuuta pakumupususha bamupuswishe.