Kale Khuhu ya phambo na Goni zwo vha zwi dziṱhama. Ḽiṅwe ḓuvha Goni ḽa wana Khuhu fhasi ha muri yo ḓi awelela na mapuḽasiṱiki. Khuhu yo vha yo ima nga mulenzhe muthihi.

Goni ḽa vhudzisa Khuhu, "Muṅwe mulenzhe wau u ngafhi?"

Khuhu ya vhudza goni, "Ramavhengele o ntumula mulenzhe a mbadela nga haya mapuḽasiṱiki a zwiḽiwa."

Goni ḽa vhudzisa khuhu arali na ḽone ḽi tshi nga ita vho izwo. Na ḽone ḽo vha ḽi tshi ṱoḓa bege dza zwiḽiwa. Khuhu ya tenda.

Goni ḽa ya kha ramavhengele ḽa humbela u tumulwa mulenzhe vha tshintshane ḽone ḽi wane zwiḽiwa. Ramavhengele a tenda.

Goni ḽa thobila nga mulenzhe muthihi ḽi tshi ya hayani. Fhedzi ḽo vha ḽo takalela zwe ḽa ṋeiwa nga ramavhengele.

Musi Goni ḽi tshi swika hayani, ḽa wana khuhu na milenzhe yayo mivhili.

Goni ḽo mbo ḓi sinyuwa ḽa vhilimedza khuhu. Fhedzi a ḽi ngo i fara. Ndingazwo Goni ḽi tshi dzula nga u zwima zwikukwana zwa phambo. Ḽa doba tshiṅwe, ndi u ḽa.