Kale kale ho vha hu na munna we a vha a na tshilonda tshi shushaho kha mulenzhe wawe. O vha a sa koni u ima kana u tshimbila. O vha a tshi dzula kha muṅwe muvhundu na mufumakadzi na vhana vhawe.
Vhabebi avha vho vha vhe na vharwa vhararu na musidzana muthihi. Musidzana o vha a tshi pfi Nangila. O vha a tshi shuma u ṱhogomela khotsi awe. Vharwa vho vha vha tshi lima masimu na u lisa zwifuwo.
Nangila o vha e musidzana wa lunako. Vhadzulapo vho vha vha tshi mu tama na u mu ṱhonifha. Vhabebi vhawe vho vha vha tshi tama a tshi malwa nga munna o lugaho. Vhadzudzanya mushumo u konḓaho u itela u wana munna oteaho u mala Nangila.
Muṅwe na muṅwe a ṱoḓaho u mala Nangila u ḓo tea u yo wana mushonga dzivhani ḽi re tsini na wonoyo muvhundu. Mushonga uyo u fanela u fhodza tshilonda tsha khotsi awe. Fhedzi dzivha ḽo vha ḽo ḓala mimuya i ofhisaho.
Vhaṅwe vhanna vho lingedza u wana uyo mushonga fhedzi vha vhuya fhedzi. Vhaṅwe vhanna-vho vho fhedza vha songo tsha vhuya.
Nangila u pfa a tshi vhilaela. Na khaladzi dzawe a vho ngo vhuya vha ya dzivhani. A ḓi dzudzanyela u ya u dzhia mushonga ene muṋe. Mme awe vhari, "Musidzana wanga, arali vhanna vha maanḓa vho balelwa inwi ni ḓo zwi kona?" Fhedzi Nangila a elekanya o guma.
Nḓilani ya u ya dzivhani, Nangila a ṱangana na mukegulu vho hwala khuni. A thusa mukegulu u hwala khuni. Mukegulu vha takala vhukuma. Vha ri kha Nangila, "Ndi ḓo ni vhudza uri ni swika hani kha vhadzimu vha dzuvha uri ni ita mini ni tshi swika hone."
A tshi swika khunzikhunzini ya dzivha Nangila a vhona lushaka lwa mimuya lu tshi nwa maḓi na u tshina. Nga muthihi nga muthihi mimuya ya eḓela yothe.
Musi minmuya yo no eḓela yothe, Nangila a fhufhela nga ngomu dzivhani. A wana mushonga a u longa begeni yawe. A tshi khou tala u bvela nnda shangoni magabelo a hulela u mona nae.
Nangila a tshi swika khunzikhunzini mimuya ya vha yo karuwa. A ofha fhedzi a imba luimbo lwe a fundedzwa nga mukegulu. "Nṋe ṅwananyana wa Wekesa, ndi bva dzivhani. Ndo ḓa ngauri vhanna vha khou ofha nga maanḓa u da. Khotsi anga vha ṱoḓa hoyu mushonga u fhodzaho tshilonda tshavho. Ndi ngazwo ndi fhano. Kha shango ḽine vhanzhi vha ofha u swika. Ngauri vho inwi ni vha vhusi."
Ipfi ḽa Nangila ḽo vha ḽi ḽavhuḓi lwe vhadzimu vha humbela uri a vha imbele u dovha na u dovha. U imba uho ho dovha ha ruma mimuya u eḓela. Zwenezwo Nagila a gidima nga luvhilo luhulu u vhuya u swika hayani.
Vhathu vho vha vho lindela Nangila a tshi vhuya. O no onga tshilonda tsha muṋe wawe nga mushonga vha kona hafhu u ima. Gogo ḽoṱhe ḽa tshina ḽi tshi renda Nangila.