Ndi ḓuvha ḽi fhisaho ḽa tshilimo ḓakani ḽo omaho.

Lusunzi luṱuku a lwo ngo wana maḓi maḓuvha manzhi.

"Ndi ṱoḓa shotha ḽa maḓi naho ḽa to wa u bva kha ṱari," Lusunzi luṱuku lu a ṱavha mukosi.

Fhedzi na nwando wo oma.

"Nda sa wana maḓi, ndi ḓo fa." Lusunzi luṱuku lu a zhamba. "Ndi fanela u ya mulamboni we nda pfa nga hawo."

"Mulambo wo ḓala nahone u na maanḓa. U ḓo ni kumba," thurwa yo thanyaho ya kaidza.

Fhedzi Lusunzi luṱuku lwo vha lu na ḓora ḽo kalulaho. "Nda sa nwa maḓi ndi ḓo fa." Lwa ya u ṱoḓa mulambo.

Lwa tshimbila, lwa pfuka ntha ha mahatsi malapfu na matvhi o omaho.

Lwa tshimbila u swika lu tshi pfa magabelo a maḓi. Wo vha u mulambo. Lu khou pfa magabelo.

Lusunzi Luṱuku lwa kabila maḓi a rotholelaho.

Lwo takalela uri a lwo ngo vhona gabelo ḽi ḓaho.

Lusunzi Luṱuku lwa nambatela luhatsi lwe lwa vha lu tshi khou tengama. Fhedzi lwa kumbiwa nga maḓi.

"Nthuseni, Nthuseni ndi khou tou humbela," lu a vhidzelela.

"Ṱavhanyani, namelani." Ndi ḽiivha ḽi no ralo ḽo muma lutavhi nga mulomo.

"Ndi ḓo dzula henefha u swika ndi tshi ḓo livhuwa ḽiivha." Lwa dzudzanya Lusunzi Luṱuku. Ndi ḓo lindela u swika ḽi tshi vhuya u ḓa u nwa.

Liṅwe ḓuvha zwenezwo lwo lindela ha swika vhatukana vhavhili mulamboni. Vho vha vhe na ḽegere.

"Hu na tshiivha tshi hulwane tshi tshena tshi no ḓa tshi tshi nwa maḓi hafha." Mutukana muṅwe a ralo. Ri ḓo sevha ngatsho tshilalelo ṋamusi.

"Ndi nga si tende vhatukana vha tshi vhulaha tshiivha tshi tshena" Lusunzi Luṱuku lwa elekanya. "Fhedzi ndi muṱukusa, ndi nga ita mini?"

Ḽiivha tshi tshena ḽa fhufhela fhasi ḽi tshi bva murini u ḓa u nwa maḓi.

Lusunzi Luṱuku lwa ḓelwa nga muhumbulo.

Lwa fhufhela kha mulenzhe wa muṅwe wa vhala vhatukana. Lwa luma mutukana nga nḓila i vhavhaho.

Mutukana a fhufha. "Yoo!" a vhidzelela.

Ḽivha ḽitshena ḽa tshuwa ḽa fhufhela vhudzumbamoni.

Ndi yone ndila ye Lusunzi Luṱuku lwa livhuwa ngayo Ḽiivha ḽitshena.