Vhuria vhu rotholaho ho fhira. Lutabvula lu khou swika hafha muvhunḓuni wa Nkanyezi. Hu si kale vhadzulapo vha ḓo kuvhangana vha takalela khalaṅwaha ntswa u fhirisa maṅwe maḓuvha a ṅwaha. Nkanyezi o takalela ḓuvha ḽa u pembelela luṱabvula u fhira zwithu zwoṱhe.

Matsheloni maṅwe a dudelaho, Nkanyezi o pfa vhadzulapo vha vhili vha tshi amba nga u pembela uho. "Vhathu vha Ndlovu vho lata fulufhelo ḽa u pembela." Muṅwe u a sea. "Ri ngavha hani na vhutambo ha u pembelela lutabvula muvhunḓuni une vhadzulapo a vha tsha ṱoḓa u pembela?" Muṅwe u a vhudzisa.

Nkanyezi o vha a khou vhilaela. "Ḓuvha ḽi ḓo dovha hani ḽa tavha ra sa imba ra ḽi karusa kha u kumedza ha vhuria?" U a vhudzisa. Nkanyezi u a elekanya lwa tshifhinga tshilapfu. "Ndi fanela u wana zwe nda xedza." "Ndi fanela u ya nda ṱoḓa zwithu zwine zwa ḓo vhuisa fhulufhelo ḽa u pembela hafha muvhunḓuni wanga."

Vhahulwane vha fhululedza Nkanyezi uri a tshimbile zwavhuḓi. Vha mufha bege ya u fara zwine a ḓo zwi wana. Nkanyezi o vha a khou ofha fhedzi a vha na fhulufhelo urii u ḓo bvelela.

Nkanyezi a tshimbila ḓuvha ḽoṱhe a gonya tshikwara a dovha a wela govha. A tala a wela mulambo muhulwane, u swika a tshi swika kha dunzi ḽa thavha tswuku.

Sa izwi ho vha hu khou vha madekwana, Nkanyezi a swika muvhunḓuni wa maitele na mivhala zwine o vha a sathu u zwi vhona. A vhudza vhahulwane vha henefho nga ha lwendo lwawe lwa u vhuisa u pembela vhathuni. Mme a lushaka lwonolwo a fha Nkanyezi mpho. A vhudza musidzana, "Nga lufuno ri u fha pennde hei ya vusulusa mivhala yo sudufhalaho ngei muvhundu wa hanu." Nkanyezi a livhuwa vhahulwane a longa pennde begeni. Nga ḽi tevhelaho a bvela phanḓa na lwendo hu tshe matsheloni o takalela tshifhiwa tsha muvhala.

Nkanyezi a tshimbila ḓuvha ḽoṱhe vhukati ha ḓaka ḽo pinzanaho ḽa miri milapfu lapfu. Musi ḽi tshi kovhela a sa tsha kona u vhona nga swiswi, a pfa muungo wa ngoma i lidzwaho. A ṱavhanya a livha hune ngoma ya khou lila hone a tshi vho pfa muya wa u tshina u tshi da milenzheni yawe yo netaho.

Nkanyezi a diwana o swika shangoni ḽa Bhubezi. Vhathu vho vha vho dzula mullion vha tshi khou vhuya a pfa nyambo dza vhuḓi nga u ralo. A vhudza vhahulwane vha henefho nga lwendo lwawe lwa u ṱoḓa u vhuisa muya wa u pembela kha vhathu vha hawe. Vho mbo mu ramba uri a awele a edele navho honovho vhusiku.

Nga matsheloni khosi ya vhidza Nkanyezi. "Ṅwanaga," ya ralo, "ngoma yo khetheaho khei, i bveledzaho luimbo luswa tshifhinga tshothe ni tshi i lidza." Nkanyezi a livhuwa vhahulwane a longa ngoma begeni. A bvela phanḓa na lwendo o takadzwa nga ngoma ya u pembela na u tshina.

Nga ḓuvha ḽa vhuraru ḽa lwendo lwawe a tshi fhira muvhundu wa kholomo dzo nonaho, ningo ya thoma u fembedza. Munukhelelo wa vhuḓi wa pfala u tshi ḓa a thoma u rothisa nthe nga mulomo. A tevhela munukhelelo a mbo bvelela muvhunḓuni a wana vhathu vho ima vha tshi khou bika ṋama. Lushaka holu lwo vha lu tshi ḓivhelwa u pembelela vhuṱambo. Nkanyezi o vha a sa athu vhuya a tangana na zwiḽiwa zwo raloho. O no ḽa a fura a vhudza vhahuwane nga ha lwendo lwawe lwa u vhuisa muya wa u pembela kha vhadzulapo vha hawe.

Nga ḽi tevhelaho khoro ya henefho ya mufha tshipaisi tsha muvango wavhuḓi. "Ṅwana washu," vha ralo, "nga hetshi tshipaisi thumbu dzo takalaho ndi muga!  Ri ni ṋea mpho ya zwiḽiwa zwavhuḓi." Nkanyezi a livhuwa vhahulwane a longa tshipaisi begeni. A ḓivha uri u na zwoṱhe zwi ṱoḓeaho u fha muthu wa nungo. A thoma lwendo lulapfu lwa u humela hayani.

A tshi swika vhathu vha mu kuvhanganela uri vha pfe uri o tshimbila hani. A vula bege uri a kovhe zwifhiwa kha havha vhathu. Vhathu vha takalela zwifhiwa izwo. Vhuthu ha vhaṅwe na ṱhuṱhuwedzo ya Nkanyezi zwa ḓisa muvhala, dzinyimbo na mitshino kha vhathu. Zwenezwo zwa amba uri muya wa u pembela wo vhuyedzedzwa kha vhathu vha muvhunḓuni wa Ndlovu.