Kgalekgale Kgogo le Ntšhu e be e le bagwera. Ka letšatši le lengwe Lenong o ile a hwetša Kgogo a khuditše ka tlase ga mohlare le mekotla ya go tšwa mabenkeleng. Kgogo o be a eme ka leoto le tee.

Ntšhu a botšiša Kgogo a re, "Naa leoto le lengwe la gago le kae?"

Kgogo a botša Ntšhu a re, "Ralebenkele o ripile leoto la ka, a le tšea gomme nna a mpha dijo tše."

Ntšhu a botšiša Kgogo ge e ba le yena a ka dira seo gore a hwetše mekotla ya dijo. Ntšhu le yena o be a nyaka mokotla wa dijo. Kgogo a dumela.

Ntšhu o ile a ya go ralebenkele a mo kgopela go re a ripe leoto la gagwe le tee gore a kgone go hwetša dijo le yena. Ralebenkele a amogela kgopelo yeo.

Ntšhu o ile a tlolatlola ka leoto le tee go fihla gae. O be a thabišitšwe ke dilo tšeo ralebenkele a mo filego tšona.

Ge Ntšhu a fihla gae, a hwetša Kgogo a nale maoto a gagwe a mabedi.

Ntšhu o ile a befelwa kudu a kitimiša Kgogo. Efela a palelwa ke go mo swara. Ke ka lebaka leo le lehono re bonago Ntšhu e itefeletša ka go hloriša matswuana a Kgogo. Ge Ntšhu e swara tswuana, e a aja.