Kgalekgale go be go na le ngwanenyana yo mongwe yoo go bego go thwe ke Kalabuše. Kalabuše e be e le ngwanenyana wa go bolela kudu. Mmagwe o ile a mo lemoša gore a tlogele go bolela kudu efela Kalabuše a phaela temošo yeo ka thoko.

Ka letšatši le lengwe rakgadi wa Kalabuše o ile a lwala. Yena o be a dula makgatheng a molapo ka thoko ye nngwe ya moo go dulago Kalabuše.

Mmago Kalabuše o be a emaema ka leo letšatši. E be e le mantšiboa ge mmagwe a mo fa dijo gore a išetše rakgadi wa gagwe wa go lwala.

Ge a le tseleng, Kalabuše a kopana le Sinsone, phukubye, yoe e bego e iphetošitše goba motho.

Sinsone e ile ya botšiša Kalabuše go re o rwele eng. Kalabuše a araba ka go re, "Nama, mae le maswi." Mmagwe o be a mmoditše tsebe go kwa go re a se ke a botša motho gore o swere eng.

Kalabuše a tšwelapele a botša Sinsone go re o išetša rakgadi wa gagwe wa go lwala dijo. Sinsone ya thoma go duma nama yeo Kalabuše a e rwelego.

Sinsone e ile ya kitima ka lebelo ya šia Kalabuše morago gomme ya fihla ntlong ya rakgadi wa Kalabuše.

Ge e fihla ya metša rakgadi gomme ya ikhupetša ka lepai la gagwe.

Ge Kalabuše a fihla ga rakgadi, go be go homotše ka ntlong. O ile a tsena ka ntlong a goelela, "Rakgadi! O mo kae?"

Ge a sa kwe lentšu la rakgadi, a ya ka phapošing ya go robalela yeo e bego e le ka gare. O ile a tlabega go bona motho a ikhupeditše ka lepai le legolo.

"Rakgadi, ke ka lebaka la eng ditsebe tša gago e le tše dikgolo lehono?" Kalabuše a botšiša. Sinsone ya fetola e le ka gare ga lepai le legolo ya re, "Gore ke kgone go go kwa ga botse."

Kalabuše a botšiša gape, "Rakgadi goring mahlo a gago e le a magolo lehono?" Sinsone ya fetola ka go re, "Gore ke kgone go go bona gabotse."

Kalabuše a botšiša la mafelelo, "Rakgadi goreng molomo wa gago e le wo mogolo lehono?" Sinsone ya araba, "Gore ke kgone go go metša." Sinsone ya fofa go tšwa bolaong ya metša Kalabuše.

Ka lebaka la go re Kalabuše o be a bolela kudu, o ile a tšwelapele a bolela le ge a be a le ka mpeng ya Sinsone. A tšwelapele ka go botšiša dipotšišo tše ntši.

Mafelelong, Sinsone e be e lapišitšwe ke dipotšišo tša Kalabuše tša go se fele, ya ba ya tšea sephetho sa go mo tshwela ntle.

Kalabuše le rakgadi wa gagwe ba ile ba hlakodišwa ke badudi. Go tloga letšatšing leo, Kalabuše a se sa bolela le bathotsoko.