E be e le letšatši la go fiša la selemo sekgweng sa go ba le komelelo.

Tšhošwane e be e feditše matšatši a mantši e se na meetse.

"Ke nyorilwe, ke nyaka meetse, le ge e ka ba lerothi go tšwa letlakaleng la mohlare," gwa lla Tšhošwane.

Efela le phoka e be e se gona, e omile.

"Ge nka se hwetše meetse, ke tlo hwa," gwa lla Tšhošwane. "Ke swanetše go leba kua nokeng yeo ke kwelego ka yona."

"Noka e tletše wa go falala. E tlo go rwala," gwa eletša legotlo la bohlale.

Efela Tšhošwane e be e nyorilwe kudu. "Ke tla hwa ge nka se nwe meetse." Ka fao, ya sepela go yo nyakana le noka.

Tšhošane ya sepela ya feta bjang bjo bo telele godimo ga dithabe tša go oma.

E ile ya sepela go fihla e ekwa lešata la meetse. Ke noka! E ile ya kwa maphoto a meetse!

Tšhošwane e ile ya nwa meetse ao a fodilego, a noka, lebaka le le telele.

E be e thabile kudu gomme e sa lemoge lephotho la meetse leo le bego le tšwelela.

Tšhošwane e ile ya leka go swarelela bjang bjoo bo bego bo feta ka meetsing. Efela e ile ya rwalwa ke meetse ao.

"Nthušeng. Thušang hle!" ya goelela.

"Phakiša, namela," gwa bolela Leeba le le šweu, le swere thabe ka molomong, le thuša Tšhošwane.

"Ke tla dula mo go fihla ke kgona go leboga leeba," gwa akanya Tšhošwane. "Ke tla ema go fihla a etla go nwa meetse."

Ka letšatši le lengwe Tšhošwane ge e sa letile moo nokeng, gwa tšwelela bašemane ba babedi. Ba be ba swere diketi.

"Go na le leeba le legolo le lešweu leo le tlago le enwa meetse mo," gwa bolela yo mongwe wa bašemane. "Re tla lalela ka lona."

"Nka se tlogele bašemane ba bolaya Leeba le lešweu," gwa nagana Tšhošwane. "Eupša ke nna yo monnyane kudu, ke eng seo nka se dirago?"

Ka yona nako yeo, ke ge Leeba le fofela fase go tšwa mohlareng go tlo nwa meetse.

Tšhošwane ya tlelwa ke kgopolo.

Ya tabogela godimo ga leoto la o tee wa bašemane bale. Tšhošwane ya loma mošemane kudu ka moo e ka kgonago.

Mošemane a taboga. "Mmawe!" a goelela.

Leeba le ile la tšhoga gomme la fofela lefelong la go bolokega.

Ke ka wona mokgwa woo Tšhošwane e ilego ya leboga Leeba ge le kile la mo phološa kotsing ya meetse.