Lilanga belishisa kakhulu ehlobo, lihlatsi nalo lomile.

Intfutfwane lencane beyingenawo emanti emalanga lamanyenti.

"Ngidzinga litfonsi lemanti, nanoma lingawa lisuka ecembeni" kukhala intfutfwane.

Kodvwa naleli cembe nalo lomile.

"Uma ngingawatfoli emanti, ngitakufa" kukhala intfutfwane lencane."    "Kufanele ngiye emfuleni lengive ngawo.

"Umfula ugcwele kakhulu futsi unemandla. Utakulahlela le ekudzeni." Kucwayisa logwaja. Kepha intfutfwane lencane yona beyome kakhulu.

"Ngitokufa nangabe ngingawa natsi emanti." Ngakoke, yahamba intfutfwane yayofuna Umfula.

Yahamba eceleni kwetjani kanye nemagala etihlahla letomile.

Yahamba yate yeva kukhala kwemanti emfula Hawu ngumfula! Beyiva ngekuhlokoma kwemanti.

Intfuftwane lencane yatitika ngekunatsa emanti labandzako sikhatsi lesidze.

Beyijabule kakhulu intfuftwane ayimange ibone ligagasi lemanti lita ngakuye.

Intfutfwane lencane yatama kubambelela etjanini lobekukhukhulwa ngemanti eceleni kwayo. Kepha yakhukhuleka ngemanti asho ayoyilahlela le khashane.

"Ngicela umuntfu angincedze, ngincedzeni ngiyanicela!" kumemeta intfutfwane.

"Phangisa, gibela lapha kuleligala, bambelela kulo ngemlomo wakho" Kwasho lituba.

"kumele ngihlale lapha ngidzimate ngitibongele kulelituba."Kusho intfutfwane.  "Ngitowulindza lite libuye lituba kutonatsa emanti."

Kutsite ngalelinye lilanga intfutfwane imile ngasemfuleni. Kwachamuka bafana lababili beta emfuleni. Bafana bebaphetse emarege abo ekushaya tinyoni.

Kulendzawo kunelituba lelinkhulu lelimhlophe. Lelituba livame kutonatsa emanti lapha emfuleni kusho lomunye webafana. "Litawuba kudla kwetfu kwantsambama."

"Angeke ngivumele labafana babulale lelituba lelimhlophe."   "Kodvwa ngimcane, ngitawenta njani nebakitsi?"

Ngalesosikhatsi lituba laphapha lisuka esihlahleni lita kutowunatsa emanti emfuleni.

Intfutfwane lencane beseyine lisu.

Yazubela enyaweni lalomunye webafana. Intfutfwane lencane yaluma umfana ngemandla lamakhulu.

 Umfana walahla iregi wazubela etulu. Wamemeta watsi "Ekhuwi."

Lituba lelimhlophe labese liphaphela khashane le, lapho litawuphepha khona.

Kwaba ngiyo indlela intfutfwane lencane leyabonga ngayo lituba lelimuhlophe ngekusindzisa imphilo yayo.  Intfutfwane nelituba tavalelisana kamnandzi.