Imbwebwe ishonje n'imizabibu
Kholeka Mabeta
Benjamin Mitchley
Kinyarwanda

Kera hariho Imbwebwe yari ishonje.

Yarimo yigendera mu ishyamba ishakisha icyo kurya.

1

Igera ku biti by'imizabibu byari bifite imbuto zihishije.

Imbwebwe ibona iseri rihishije cyane riri mu ishami ry'igiti.

2

Nuko irivugisha iti: "Mbega ukuntu iyi mizabibu isa n'iryoshye!"

Yigira inyuma gato ngo ibone uko isimbuka.

3

Imbuto z'umuzabibu zari kure cyane.

Imbwebwe ihita igusha umugongo nta rubuto na rumwe iciye.

4

Irahaguruka maze yigira inyuma cyane ngo ibone uko isimbuka kurusha mbere.

Isimbutse igera kure ariko ntiyashyikira za mbuto.

5

Ikomeza kugerageza ngo isorome za mbuto ariko biba iby'ubusa.

Ahubwo igusha umugongo uza no kubabara cyane.

6

Biyinaniye burundu ihita yigendera.

7

Ntabwo yari yishyimye na gato. Yagendaga ihagarara, ikareba inyuma yivugisha: "Puuu! Iriya mizabibu nta n'ubwo iryoshye. Nari nihenze." 

Uko yakomezaga kugenda ni ko inzara yarushagaho kwiyongera.

8
You are free to download, copy, translate or adapt this story and use the illustrations as long as you attribute in the following way:
Imbwebwe ishonje n'imizabibu
Author - Kholeka Mabeta
Translation - Sylvestre Ntabajyana
Illustration - Benjamin Mitchley
Language - Kinyarwanda
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source