Document

Ŋgày wùn Mbùy

Basilio Gimo

Jeremiah Dube

Mbùy wùn Ŋgày-iì dzə̀ ŋkar se tavkín sí. Áwune lo, á wàa səərí e kintatì, lo á wàa yikír kighín kimòʼón. Áwune kù-uù yii kinyo kév kidzə̀m e kintatì.

Á bèy, wáa dzə e kishiíy kímóʼ kí, yàsí màʼ Ŋgày, wù wáa tàʼ e kpu.

Mo Ŋgàyí yenen ji yàsí və kù távkir a tàvkín, wù nèn dù, e yèn ŋgaà shìv woo Nyabesi. Nyabesi suúy jii, "A dzə̀ ji à luŋ, bo à kù kér fó kfər nyam mbùy."

Ŋgàyí yú kinyo kìn, e nèn rəə̀y. Yii bèy, a kinyo kée yiì, e bóo bonén ki yòʼ dzə̀, e shaà ji wù kfə́r ŋkar rə yee Mbùy.

Kù mo mbùy duùn ji wun du, e ghan ŋkar rə, ŋgàyí nèn dù, e baàrí wun, e du sho fo ndzə́ví shoon é ŋàŋ.

Ŋgàyí meé fó, e nèn yòŋ jii, "Nyabesi yòŋ e mò jii, a dzə̀ ji m bónén, bo m kér fó kfər a ŋkar yem yee wò."

Mbùy nèn yòŋ sho jii, "ŋkar yèm, kii wò, lá à yòʼ kfə̀r mo, m dzə̀ə́ e térí. Fó mo shintàm shishàr, é m jaŋ tàá wom. Wù fàŋ, e shaà mo. À lo, e kfər wun, é bvəme nèn kùr wò kijuŋ."

Ŋgàyí dzə́r shó jii, "Wun woo tàa wò dzə̀ a dzə̀ feé?" Mbùy bìnèr jii, "Wù dzə̀ é kici ke kí tíy kwaʼda fə̀sə, e wòŋ woó ntìntìn ndzə̀v." Ŋgàyí nèn yòŋ jii, "Dù ri, e lì wun, e wìy sho, é m fiʼ kfə̀r."

Mbùy wùn Ŋgàyí nèn dù e mèé e ghaa ndzəv, Mbùy nèn lìy fo Ŋgàyí ndzə̀m, e lèʼ, e dù, e kòʼ kóʼón é kici fey, e nèn gòʼ fo. Ŋgàyí shìy ntéŋ ntéŋ, e làa yòʼ yu kikum ke Mbùy. Viŋkar ve wùn wun vi nèn kù mày bèy.

You are free to download, copy, translate or adapt this story and use the illustrations as long as you attribute in the following way:

Ŋgày wùn Mbùy

Author - Basilio Gimo
Translation - Beatrice Tafon Takeh, Mbinkar Emmanuel Keelen
Illustration - Jeremiah Dube, Little Zebra Books
Language - Lámnsoʼ
Level - First paragraphs

© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com