Ŋgvəv wùn Ŋgom-eè dzə̀ ŋkar si. Yii bèy, a wùn wun-eè rəsi din a dzə̀ wìr shaà wír.
Wìy lòo dzə e kishiíy kímóʼkí, wùn wun sìysì ji á té á bor, e yèn ó ji wìr wo wù kiìn té sà dzə̀ laá.
Áwune nèn dù e maàndzə visəə̀rí, e kèʼ a te bor.
Ŋgvəv wáa te cér cér, yii bèy, a Ŋgom té shaa wun.
Ŋgvəv té bor, wú du e gbù kwaʼda, Ŋgom té və́, wú shaà fó, e dù duùn fó mbìy.
Ŋgvəv nèn kèʼ a yu bír.
Áwune nèn sìysì ji á té lèn, a dzə̀ á wo wìr wáa te, é wùmòʼ wáa koo.
Á kèʼ té, Ŋgom nèn nə̀ə́ a koo. Ŋgvəv nèn wày bor e mòʼón cáʼ.
Ghán sé Ŋgvəv si nèn lò e ghèén se wù nəə́ sa, a koo bor.
Ŋgom té bor wó mbìyi, e wày wáyín.
Wù céŋér wúmóʼó, e nèn siì wày.
Wù fún wúmóʼó e kitú ki, e kù wày wáyín. Kù bey, kù bey, wù nèn fə̀mrì bor sitàn.
Kilòŋ kí nèn shwìíy Ŋgvəv shwiiyín ji á sò á wun. Vé-eè sò rú wun e dzəə ye biibí.
Ŋgom nèn lò a sheʼ kfə́ sheʼén, ji ŋkar rə sà shwìíy kee ben kee kilòŋ ji ka á?
Kinyo kìn ki nyár Ŋgvəv feyì, yì ŋaáŋé shuù bèn kijuŋ, e kù nèn mèy Ŋgom méyin.
Kù mo Ŋgvəv kfə́n e bàm fó laʼ, wùn yìy à Ŋgom tàrnén.
Yìy à Ŋgom dzə́r shó jii, “À yén wán wom á?” Ŋgvəv nén a tiy kisə́sə.
Yìy à Ŋgom nèn mèŋ kinyo kée yiì.
Yìy à Ŋgom nèn lò yù shijí, a shí tóŋ, yoŋ jii, “Kii wò, yè wor, ku sə̀ mo!”
Yìy à Ŋgom leéy virə́ʼ, e kaàrí, e tàr. Wù kfə̀n lì ghán, e yuùrí virə́ʼ kijuujùŋ, e nèn yù, a ji rə̀y wiy a dzə̀ fo Ŋgvəv bvə̀m.
Yìy à Ŋgom waámé kitávín jii, "Wan wòm, yúsí vitaáví vé vee jeéy ví."
Ŋgom dzə̀ bey, a dzə̀ yì fə̀ə́r kirəm ke bi kí. A dzə̀ yì kfə̀n yiì, kifá ki wàa koo e shuù kibiíbí. Á bèy Ŋgvəv nèn kù yù wún və́ a wú sì yàsí yàsí.
Ŋgvəv nèn a jwèrkìr jwèrkìn. Jwerkìr bèy, wù mèyrì shuu, e nèn cù.
Wù nèn kèʼ a shem, a kiisí. Kighiísí ki nèn lò e tàvkír tavkín.
Ŋgom-eè bìr mo kifá ki yii bìr bey.
Ŋgvəv ku kiìsí kiìsín bey, e dù, e meé mo yì kì woʼtin, e màʼ Ŋgom ye yì kì dzəə̀n e wun bvə̀m.
Yìy à Ŋgom wùn wan və ku nèn ŋàŋrì, e kòʼ, é kici, e lìr fo.
Kèʼ fo ghan foó fèy, bó Ŋgvəv wùn Ŋgom yòʼ yii kér viŋkar.