Themba umtsengisi wabhanana
Humphreys Odunga
Zablon Alex Nguku
0

Themba utfwele ikhredi yemabhanana lavutsiwe.

1

Themba uya emakethe kuyotsengisa bhanana.

2

Emakethe bantfu batsenga titselo.

3

Kepha akekho namunye lotsenga emabhanana aThemba. Bantfu banconota kutsenga titselo kubesifazane.

4

Bantfu bavame kutsi: "Emimmangweni yakitsi, besifazane bodvwa labatsengisa titselo." Bantfu bebatibuta batsi: "Yindvodza lenjani lena?"

5

Kepha Themba akatange akushaye mkhuba loko. Watichubekela ngekutsengisa abuye amemetele atsi: "Tsengani emabhanana ami! Tsengani emabhanana ami lanongotelako futsi lavutsiwe."

6

Lomunye wesifazane wafika watsi cuku sikhehle sabhana ekhredini yaThemba. Wasibukisisa ngekucophelela sikhehle sabhanana.

7

Lowesifazane wakutfokotela kusitsenga lesikhehle semabhanana aThemba.

8

Ngemva kwaloko bantfu labanyenti beta kutotsenga emabhanana kuThemba. Bebatsenga emabhanana aThemba babuye bawadle.

9

Ngesikhashana lesincane ikhredi beseyingenalutfo. Themba wabala imali lekayizuzile ngalelolanga.

10

Wasuka lapho waya kuyotsenga insipho, shukela kanye nesinkhwa. Watifaka tonkhe tintfo takhe ekhredini.

11

Themba wayihlalisisa kahle ikhredi yakhe layetfwele enhloko, wachubeka wahamba waya ekhaya.

12
You are free to download, copy, translate or adapt this story and use the illustrations as long as you attribute in the following way:
Themba umtsengisi wabhanana
Author - Humphreys Odunga
Translation - Phumla Madonsela
Illustration - Zablon Alex Nguku
Language - 0
Level - First sentences
© African Storybook Project 2015
Creative Commons: Attribution 4.0
Source www.africanstorybook.org
Original source