Lunu niirwo olugero lwo muliisya n'ekiraalokye eky'ebisolo ebibulaku omawaawe.

Omweri gwomunana gwabbaire gw'okufulugutana eeri omulisya na bayambibe oku kiraalo.

ONaisiga ow'omwaka ogumo niiye eyasookele okutuuka. Yaiziire mu kiloore ekyekilagala.

Omulisya nabayambibe basaasiire ino oNaisiga. Yabbaire mutono ino era nga munakuwali.

Naye amangu awo, oNaisiga n'airamu amaani. N'atandika okuzeenya n'ebisolo ebindi omu kiraalo.

Oku lunaku olundi omumweri ogwomunaana, endege n'eika oku kiraalo.

Omulisya n'abayambibe ni banguwa e nza. Omu ndege mwabbairemu nzogi omutomuto ng'ali omu gubbulangiti ogunene.

ONanyido eyabbaire omu bbulangiti, yabbaire w'enaku itaano. Omulisya namulisyanga ng'akozesya cupa.

Omweri ogwo, okisolo owo kusatu eyabbaire abulaku omaaye yabbaire Naudo. Okwiza oku kiraalo, yaiziire mu karakita entukuliki. Era Yabbaire we myeri mukaaga.

ONaudo eyabbaire onamosingi mangu awo yasalire omukago n'oNaula ombogo omutomuto. Ni batambuliranga aamo buli wantu.

Ekiire kimo, okutuuka kwa Kataike kwalamucirye buli muntu.

OKataike yabbaire w'emyeri mitaano. Yabbaire munafu ino olw'olugendo oluwanvu oluyatambwire.

Olw'eikotilye eriwanvu, omulisya yakwatiranga ecupa ngulu okumunywisya.

Aakati omu mweri gwomunaana, obulongo obuserebende, oDongo n'oKapio bwatuukire. ENamyamya ginu gyabbaire ndwaire ino aate nga gy'esaawa-busaawa.

Buli moiza yanakuwaire oDongo oweyafiire nga yakamala esaabiiti moiza omu kiraalo. Naye omulisya n'abayambibe ni balamya oKapio.

Ebisolo ebibulaku omawaawe ebyasembereyo okwiza omu gwomunaana byaali Bbaluka, Mboiza n'oNanfuka. Obwana wanjovu bunu bwabbaire bwesaabbiiti ibiri. Bwatuukire nga buli nzala.

Omulisya nabayambibe batakanga ino ebisolo byona byona ne byempuutu.

Ekinyana ekisinga ekyejo kyabbaire Nacamu. ONacamu yatakaanga ino okubisa egalibindi gy'omulisya.

Abantu ab'omu kiraalo basumbukana ino okulisya ebisolo ebitobito. Basuubira nti ekiseera kyatuuka ebisolo binu ni byeriisya. Oolwo ni bikanga omu kigona.

Bwobukulu ki era bumeka? 1. Ebisolo bimeka ebyaizire omu kilaro omu mweri ogwomunaana? 2. Naani eyasokele okutuuka omu mweri ogwo? 3. Ekisolo kinu kyabbare n'obukulu ki? 4. Kiriina ekyasembeleyo okutuuka? Era byabbaire nabukulu ki? 5. Bisolo ki ebisembayo obutobuto ebyatuukire omu mweri ogyomunaana? Ebisolo binu byabbaire bwobukulu ki? 6. Kisolo ki ekyabbaire kisingayo obukulu ekyatuukire omu mweri ogwomunaana? 7. Kisolo ki ekiwasingire okutaka?