Me jafonji mawan. I lwoŋo go ni Agwera. Go omaro wan swa.

Jafonji Agwera fonjo wan nyikuta. Anyalo waco nyikuta a, e, i, o, u.

Jafonji Agwera otyeko fonjo wan paka i lwoŋo cal: mobokere, nyabululu, nyabokependi, nyatongweno gi macol.

I hongo ma ywomirok, Jafonji Agwera wero riwan. Go wero wer ma rendo wan to wa nindo.

Wer ago kidho ama: Nindo ma feza miy ye waŋin, bwonjo kurin k'icew, nindi win agwerin paran, ongoye ywak, aka ale wero riwin wer mamit.

Jafonji Agwera oŋeyo gigana kweth. Go gana riwan kigana m'opokere opokere kisi ndelo nyuka sabiti rumo.

I tic acyel go gana riwan kwoŋ wasen macwo.

I tic acyel go gana riwan kwoŋ wasen mamon.

I tic adek go gana riwan kwoŋ gi woth.

I tic aŋwen go gana riwan kwong fur.

I tic abic Jafonji Agwera waco riwan ni wa gana ri wadi wan.

Jafonji mawan ber loyo jafonjii man je. Amito ni abedi paka Jafonji Agwera ka adwoŋ.