Ikoku Sikiria
Lindiwe Matshikiza
Meghan Judge
Ng’aturkana

Arai ikoku niici ng'esi ni eking'aren eng'olikini ibore nikiumokina anikalonan.

1

Aapunet aibore kang'ini, king'olik atamar kwa ibore aberu na adolit.

2

Tokurianite toos dae, abu ikoku niici kurudar diye beru.   "Echamikina ngon kiminio ngesi," totiakut ng'itunga aikoku aniici. "Kiwakini ng'on ng'esi ka ikekoku niajokon."

3

Todol akidouno ikoku. "Kijuk!" "Yau egolos!" "Ng'akipi!" "Kijuuuuuuuuuuuuk!"

4

Ani ing'olikinete ikoku, toporo ngi'tunga daang ka ebuloi. "Esikiria a!"

5

Topegakin kec. "Kibaa ta kiwakini ikoku ka itokieng niajokon, ibore boca kisubakini kona ng'esi ng'ini," tolimut ng'ice. "Kiinunete ng'on ekeny lo aronon!" tamasi ng'ice neni.

6

Abu aberu kidong arai ng'esi bon nabo. Tong'opik ibore esubakinia ikoku niliwo en. Tong'opik ibore esubakinor tani ng'esi elope.

7

Kang'una daang abu ng'esi boca tocam atamar ikeng nyikoku na arai ng'esi itokieng.

8

Kong'ina, ani kidong ikoku ikoni neni, edit, egelaner ibore daang.   Abu ikoku ikaku sikiria topol jik kaleng akaku aitokieng.    Alo rotin ka daang alu etetemi ng'esi abu tokuruwor araun itwaan.   Kiyalolong itokieng takadanakin. Ace pak nak itokieng ng'esi etic lo erai eka ng'ibaren.

9

Abu ikoku sikiria tong'opik akiroit na arai akeng, tong'opikis nasubakina. Akwaar apei, abu tong'oo lokojokon topet itokieng tocakak nalup.

10

Abu esikiria kuruma ng'ileec.   Kitikirak lokojokon.

11

Ani akiyang'akinet, abu towar na tocakara esikiria. Toruk ana ribu ebala, "Hee haw?" Tobong'ok ng'esi etoil keng nabo, ebala, "Hee haw." Kotere arai ng'esi bon. Tolugurukin ng'esi lopit epira, ka ajotoor ng'aju nakationok.

12

Anyounet keng torukau itwaan nitigela ekenyikinit ng'esi. Tokenyikinos ka ekasukout lo alakara ni keng.

13

Apoyu kirukosi ka ekasukout lo eteyeni ng'esi ng'rotin luyeret long'ela ng'elae. Apotu keci topupokin anakuroit kadaang, king'aranakin ka akien ka apei.

14

Ataparac apei ekasukout logo tolimok esikiria atamaa kiwokoe kidiama emoru.

15

Anaget kidiama ng'idowon, apotu tojotoros. Kurujak esikiria edeka itokieng tonyarite ng'esi. Anyounet.

16

Tongopiyasi ng'idowon ka lopeakeng lokasukout.

17

Abu esikiria toyen akuroit nasubakina.

18

Torukau esikiria itokieng alopei iyalolong'i acakara keng. Tokenyikinos akoyen. Tonuwakin lokojo.

19

Toloma esikiria ka itokieng niajokon alakara.

20
You are free to download, copy, translate or adapt this story and use the illustrations as long as you attribute in the following way:
Ikoku Sikiria
Author - Lindiwe Matshikiza
Translation - Jacob Emekwi, Agnes Ngilimo
Illustration - Meghan Judge
Language - Ng’aturkana
Level - First paragraphs
© Text: Lindiwe Matshikiza, Artwork: African Storybook Initiative 2015
Creative Commons: Attribution 4.0
Source www.africanstorybook.org
Original source www.donkeychildprojects.org