N-næs l-koll taɛref belli l-fyula ɛandhom xratem twæl.
Æmma bekri, xartum l-fil kæn qsir w xċin.
Nhar men-nharat, tweldet fila sġira. Kæn ɛandha ħobb l-ettilæɛ. Kæn ɛandha su`æl l'koll ħayawæn.
Kænet mestaġrba mez-zarafa. Neċdetha: "Ɛlæċ ɛandek raqba twila?"
Kænet mestaġrba mel-karkædæn. Neċdettu: "Ɛlæċ garnek mđæbbeb?"
Kænet mestaġrba met-temsæħ. Neċdet: "Æċ yæklu t-tmæsaħ fi ɛċæhom?"
L-ġrab, mzawwer, lihlih qal: "Ija mɛaya lel-wæd. Ŧæmm taww tċuf æċ yæklu t-tmæsaħ fi ɛċæhom."
W hakkæka mċæt l-fila s-sġira mɛa l-ġrab lel-wæd.
Dæzzet l-qsab ɛlæ jnæb w weqfet ɛand ħafet l-wæd. Xazret tlæwwej fi west l-mæ. Zaɛma winu t-temsæħ?
Natqet ħajra kænet baħđa ħafet l-wæd: "Ɛasslæma." "Ɛasslæma," jæwbetha l-fila s-sġira, "tnæjjemċi tqolli æċ yæklu t-tmæsaħ?"
"Oqrob l'huni w taww nqollek," qalet l-ħajra. L-fila s-sġira tabbset ċwæyya. "Zid oqrob," qalet l-ħajra. L-fila s-sġira zædet tabbset.
Ɛlæ ġafla, TRAF! T-temsæħ xtaf xartum l-fila s-sġira fi jdæqu.
L-fila s-sġira taħet l'tæli w jebdet. W jebdet, w jebdet. Æmma t-temsæħ mæ ħabbċ ysæyybelha xartumha.
Xartum l-fila s-sġira tjæbbæd w tjæbbæd. W tjæbbæd. Ħattalin taħet. Doffff!
Xartum l-fila s-sġira tjæbbæd ħatta wælla twil.
Xartumha twæl l'darjet elli wællæt tnæjjem taqtef l-ġalla men fuq ċ-ċojra. W lel'lyum, l-fyula ɛandhom xratem twæl.