Loyi I mudyondzisi wa mina. Vito ra yena i Mudyondzisi Baloyi. Wa ndzi rhandza swinene.
Mudyondzisi Baloyi u hi dyondzisa maletere ya alifabete na switwari. Ndzi tiva a, e, i, o, u.
Mudzondzisi Baloyi u hi dyondzisile hi mihlovo yo tshuka, bulu, rihlaza, xitshopana, na muhlovo wa ntima.
Hi nkarhi i wa ku etlela Mudyondzisi Baloyi u hi yimbelelela risimu leswaku hi etlela. U hi yimbelela tinsimu to mbuwetela.
Risimu ra kona ro mbuwetela hi leri: Vurhongo, vurhongo hi langutise N'wayitelo wu ku yimerile loko u pfuka Etlela kahle n'wananga u nga rili Ndzi ta ku yimbelelela risimu ro mbuwetela.
Mudyondzisi Baloyi u tiva switori swo tala. U hi byela switoro swo hambana hi masiku ya vhiki.
Hi Musumbhonuko u hi byela hi switori swa vavanuna va tinhenha.
Hi Ravumbirhi u hi byela hi switori swa vavasati va tinhenha.
Hi Ravunharhu u hi byela hi switori swa swifambo swo hambana hambana.
Hi Ravumune u hi byela hi switori swa ku rima.
Hi Ravuntlhanu Mudyondzisi Baloyi u hi kombela leswaku hina hi n'wi byela hi switori swa hina.
Mudyondzisi wa hina hi yena mudyondzisi wa kahle misava hinkwayo.