UFudu uthola indlu yakhe
Maya Fowler
Katrin Coetzer
isiNdebele

Ngelinye ilanga uFudu wayekhamba esikghweni. Bekafunisisa. Bekaqalisisa kude naphasi etjanini. Wahlangana noMneke.

1

"Kukhona okufunako?" kwabuza uMneke. "Iye, Mneke, ngifunana nendlu yami. Akhange uyibone, ngethutjana na?" UMneke wathi, "Awa, akhange, kodwana ngizakusiza ukuyifuna!"

2

Wakhwela emgogodlheni kaFudu. UFudu wakhamba athwele uMneke emgogodlheni. Bafuna bafunisisa, kodwana belingekho itshwayo lendlu. Ilanga beliphezulu emafini.

3

Ngemva kwesikhatjhana bahlangana noSotjhara. "Kukhona enikufunako?" kwabuza uSotjhara. "Iye Sotjhara, ngifunana nendlu yami. Akhange uyibone, ngethutjana na?"

4

USotjhara wathi, "Awa, akhange, kodwana ngizakuzisa ukuyifuna!" Wadlalisa amaphiko wakhe begodu waphapha wakhamba. "Kodwana ungigijimela khulu," kwakhononda uFudu. USotjhara wabuya. "Kulungile, ngizakweqayeqa nami."

5

UFudu waragela phambili, bano Mneke nosoTjhara bazigedle emgogodlheni. Bacala bacalisisa, kodwana belingekho itshwayo lendlu. Ilanga bese lehlele phasi kancani emafini.

6

Ngemva kwesikhatjhana bahlangana noNombongwe. "Kukhona enikufunako?" kwabuza uNobongwe. "Iye, nombhongo, ngifunana nendlu yami, akhange uyibone, ngethutjana na?"

7

Nombongwe wathi: "Awa, akhange, kodwana ngikuzasiza ukuyifuna!" Weqela emgogodlheni kaFudu bakhamba, noMneke noSotjhara no Nombongwe bahleli emgogodlheni wakhe. Bafuna bafunisisa, kodwana belingekho itshwayo lendlu. Kwathoma ukubetha ummoya olula.

8

Ngemva kwesikhatjhana bahlangana neKhondlo. Belimatasatasa ngengadi yeembali. "Kukhona enikufunako?" kwabuza ikhondlo. "Iye, Khondlo, ngifunana nendlu yami, akhenge uyibone, ngethutjana na?"

9

Ikhondlo lathi: "Awa, akhange kodwana ngizakusiza ukuyifuna!" leqela emgogodlheni kaFudu. "Jama, angekhe ngatjhiya iimbali zami emva." UFudu wajama. Ikhondlo lazithabulula ladobha iimbali zalo.

10

Ufudu waragela phambili, noMneke noSotjhara noNombongwe nekhondlo emgogodlheni wakhe. Bafuna bafunisisa, kodwana belingekho itshwayo lendlu. Umoya wathanyelela amakari eenyaweni zikaFudu. UFudu wadinwa. "Nibudisi," wadosa umoya.

11

Umoya weza ngamandla. Isibhakabhaka sabanzima. "Oh, iphi indlu yami?" kwabuza uFudu. Isivungungu sabhodla entabeni. Kuza izulu. "Oh, iphi indlu kaFudu?" kwabuza uMneke noSotjhara noNombongwe neKhondlo.

12

Umoya wavunguza begodu wabetha. Wavuthela uMneke noSotjhara no Nombongwe neKhondlo wabasusa emgogodlheni kaFudu.

13

Kweza isinanja, ko-ko-ko. UFudu wathukwa warhunyela ngemgogodlheni wakhe. Kwafuthumala begodu kwahlaleka. "Oh, nasi indlu yami!"

14

"Oh, nasi indlu yami!"

15
You are free to download, copy, translate or adapt this story and use the illustrations as long as you attribute in the following way:
UFudu uthola indlu yakhe
Author - Maya Fowler
Translation - Thulani Sombili, Khensani Mdaka
Illustration - Katrin Coetzer
Language - isiNdebele
Level - First paragraphs
© Katrin Coetzer, Maya Fowler, Damian Gibbs, Bookdash.org and African Storybook Initiative 2015
Creative Commons: Attribution 4.0
Source www.africanstorybook.org
Original source www.bookdash.org