Lulala, eyo yaliyo embeba embala ebiiri. Endala yagonanga mwisugu.

Embeba eyindi yagonanga mu nyumba.

Oludaalo lulala, embeba eyaali eyo mu nyumba yaloma yira ey'omwisugu yiiti, "Olya bubi, oŋenyuha bubi, era efula ehutoonyaho naho."

Aye efe huŋenyuha mu nyumba y'omubbala, hulya ebiryo ebitaasi nahirala, lulala buuje otuhyalireho.

Ebyo ni bihiri aŋo, omwene nyumba gali musunguŋali. Gahayuha ati, "Embeba jino ejirya ebiryo byange, ni jitehuume jiija hubona."

Embeba jaajire ohulya ebinoli mu nyumba, jaajire ni jicaacaala, "Chu, chu, chi, che."

Ni jolire hu hatego embeba eyo mu nyumba yaloma yiiti, "Hakombe sukaali ono, oweene ebinooli ebihulya ŋaano."

Aye, embeba ko erye sukaali ono, ahatego habasuha haati, "Bbepwa-a!"

"Eeee! Meri yange, waliye binoli hiina biino ebyahufundulahise emoni?"

Cooka embeba yo munju nga seŋanga n'ohunyega.

Embeba yo mwisugu yatula mu nju neroma yiiti, "Haa sinaŋange ebinoli bino ebya paha paha."

Ehidaala hihyo ehibi hihira ehy'o wahyo ehiraŋi.