Eriamito adakar na Sinyaire ng'imoru. Aya ng'imunio lukaalak namoni na ang'imoru kang'ulu. Anyaritae emun loapolon Unyalego. Etubulit emun ng'olo ng'itung'a kotere elikonori ng'aanei ka ng'amesekin.

Apei kwaar alose Apiyo, Ajoh ka Atieno akikeyen ng'akito namoni. Abu atakech kichik kechi tama, "Tochoito Unyalego, nyilemut ichebore anamoni mati ng'akito bon." Ajoh bon ng'esi nyechoiyara ng'akiro ka atakech.

Apotu ng'apesur ng'una tokoda ng'akile, ng'idison, ng'arinyota ka ng'akipi. Toting'a ng'aunoi naenet ng'akito ka ng'aepe nakibelet ng'akito. Torotokis totena namoni.

Eyanete ng'akaitotoi ng'una alorot nabo tokienas. Wadio, tolimu Apiyo, apese nakechetan, tama, "Kililing'a tene, abe kilosi bo ng'oni ni elomit Unyalego."

Tanyara Atieno nache tama, "King'olikisi ng'ikiel lua Unyalego lukamilmilak lu. Potu atolemasi." Kisitamu Apiyo kechi tama, "Nyikimuriak akichiket ka atayok. Nyechamakina ng'oni kilemari ichebore anamoni mati ng'akito bon."

Tama Ajoh, "Nyanupit ayong tata. Esibit ayong ebala neni nyikilemunia ng'oni ibore niajokon. Alemari ayong ng'ikiel lukamilmilak luku." Abu tobul tanakaatokeng, "Ajoh, kichikichiki sua iyong," tolimokis ng'esi. Emam pe asaki Ajoh akiyen.

Apak ng'ina alosi Unyalego esaki ng'ikiel keng. Ang'oit ng'esi kotere pe atakanete ng'ikiel keng. Kiira Unyalego ng'apesur ng'una iyanete tokienas. Toduk ng'esi alokwap ataaba na ayei lokwaas a erot alo adikino ng'apesur itorunete.

Apotu ng'apesur kiwoko ng'akito ang'akies. Wadio kiirasi ibore ebala "Hzzzzzz!" tobul kechi tasaka akiduk. Ang'aarit Unyalego akituk keng lokojokon asaki akikony.

King'it Unyalego kechi tama, "Ng'ae alemari ng'ikiel kang?" Emam apese atachu. Kisiak emun ng'olo aroanar ng'apesur ng'una. "Ituan ni emam ibore elemarit, eokini nyichwang'akina. Elosi ng'esi nawi ka ng'akito keng. Nakaneni ni elemarit, ichwang'akini ng'esi. Eliwor ng'esi akimuj kang ang'irwa aluuni alu eponito!"

Kisiak Apiyo aeokin a etoil aloajokon: Meere ayong, mere ayong ating'it ng'ikiel, Isidi ituan niang'ikiel aaah Totupuu Atieno toeok.

Esal, arai Ajoh eokini. Abulit ng'esi. Abu ngesi towo along'aren kisiak aeokin. Nakaneni, toeok ng'esi eos logela nabo lo ang'akiro anagelayek. Kirem Unyalego tama, "Nyo pe ipedorea yong toeok ejok kwa nache?" Toyen emun ng'olo atamar Ajoh ng'esi alemari ng'ikiel keng.

Kiliko Unyalego Ajoh. Dio tanakaatokeng kipung'aros nadakar akisisare ekoi.