Inyanga nekepisi
Noni
Angie & Upesh
Siswati

Sahamba sonkhe saya endalini yasemakethe.

1

Babe watsengela bhuti tibuko letinhle. Make wangitsengela ikepisi legcame ngembala loluhlata sasibhakabhaka. Umntfwana yena watfola liswidi.

2

Endleleni leya ekhaya, kwaba nemoya lomkhulu. Waphephula ikepisi yami.

3

Ikepisi yami yabambeka egaleni lesihlahla lesikhulu lesidzala.

4

Ngakhala kakhulu. Angitange ngidle nekudla kwakusihlwa.

5

Ngalobo busuku, kwaphuma inyanga yabuka ikepisi yami esihlahleni lesikhulu lesidzala.

6

Inyanga yalinganisela ikepisi yami. Yamamatseka ijabulile. Nami kanjalo ngamamatseka.

7

Ngelusuku lolulandzelako nakuphuma sikolo, make wanginika ikepisi lensha lebovu. "Itfunyelwe yinyanga," kwasho make.

8

Ngalobo busuku, tsine nenyanga sagcoka emakepisi etfu samamatseka. Besijabulile.

9

Ucabanga kutsi lilanga liyasidzinga sigcoko?

10

Combela ngifake yiphi ikepisi lomuhla!

11
You are free to download, copy, translate or adapt this story and use the illustrations as long as you attribute in the following way:
Inyanga nekepisi
Author - Noni
Translation - Samkelisiwe Motha, Thabani Mhlanga
Illustration - Angie & Upesh
Language - Siswati
Level - First paragraphs
© Pratham Books 2014
Creative Commons: Attribution 4.0
Source www.africanstorybook.org
Original source www.prathambooks.org