UTitjhere Nkosi
Lawrence A. Konjuro
Vusi Malindi
isiNdebele

Lo ngutitjhere wami.

Ibizo lakhe nguTitjhere Nkosi. Usithanda khulu kwamambala.

1

UTitjhere Nkosi usifundisa amatjhada nabokamisa. Sele ngikwazi ukuthi a, e, i, o, u.

2

UTitjhere Nkosi sele asifundise umbala obovu, ohlaza kwesibhakabhaka, ohlaza satjani, osarulana kanye nonzima.

3

Ngesikhathi sokulala, utitjhere Nkosi usivumela ingoma ukuze silale.

Uvuma ingoma edunduzelako.

4

Umdunduzelo uvunywa ngalindlela:

Kulala okuqwebezelako nikela ngamehlwakho. Ukumomotheka kukulindele nawuvukako. Lalani nthandwa ezihle, ningalili. Mina ngizonivumela umdunduzelo omnandi.

5

UTitjhere Nkosi wazi iindatjana ezinengi.

Usicocela iindatjana ezahlukahlukeneko ngamalanga woke weveke.

6

NgoMvulo, usicocela iindatjana ezikhuluma ngamadoda alungileko.

7

NgeLesibili, usicocela iindatjana ezikhuluma ngabomma abalungileko.

8

NgeLesithathu, usicocela iindatjana ezikhuluma ngemihlobohlobo yeenthuthi.

9

NgeLesine, usicocela iindatjana ezikhuluma ngezokulima.

10

Kuthi ngeLesihlanu, uTitjhere Nkosi asibawe bonyana sicoce zethu iindatjana eklasini.

11

Utitjhere wethu ngutitjhere olunge khulu ephasinapha.

Nangikhulako ngifuna ukufana noTitjhere Nkosi.

12
You are free to download, copy, translate or adapt this story and use the illustrations as long as you attribute in the following way:
UTitjhere Nkosi
Author - Lawrence A. Konjuro
Translation - Emly Msimango, Busi Sibuyi
Illustration - Vusi Malindi
Language - isiNdebele
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source