Inyanga ndala likhutu liali lichenda mushikuri. Liali likhaba khandi nilikhaba. Lialenjera ehale khandi litimba imoni ndala okhulenjera obunyasi. Liachenda libira likhomonio.

"Okhabanga eshindu?" Likhomonio liareba. "Ne habwene likhomonio, ekhabanga inzu yanje. Ochilutsikho?"

Likhomonio liakalusia, "Tawe eshiri okhuchilola, alali endakhukhonya okhukhaba!" Lianina khu likamba lie likhutu. Likhutu liatsiririra okhuchenda ne likhomonio khumokongo kwaye. Bakhaba khandi bakhaba, alali shibanyoola inzu tawe. Eliuba liali ekulu mwikuku.

Mufise fitutu babira imbirimbinzi. "Okhabanga eshindu?" Imbirimbinzi yareba. "Ne habwene imbirimbinzi, ekhabanga inzu yanje. Ochilutsikhwo?" Imbirimbinzi iboola, "Tawe, eshiri, alali endakhukhonya okhukhaba."

Yaapa tsimbaa niikhasa." Otsitsanga lwangu okhushira, likhutu liiiniakana. Imbirimbinzi yakalukha enyuma. "Endanina khumukongo kwao siesi mana.

Likhutu liatsiririra okhuchenda, likhomonio nende imbirimbinzi bininire khu likamba liaye. Bakhaba khandi bakhaba, alali shibanyoola inzu tawe. Eliuba liali lishire hasi mwikuku.

Mufise fitutu babira liyoni. "Okhabanga eshindu?" Liyoni likhasi liareba. "Ne habwene, liyoni, ekhabanga inzu yanje. Ochilutsikhwo?"

Liyoni likhasi liaboola, "Shechilutsikwo tawe, alali enadkhukhonya okhukhaba!" Lianina khumukongo kwe likhutu, ne likhutu litsiririra okhuchenda ne likhomonio, imbirimbinzi nende liyoni likhasi bekhale khumukongo kwaye. Bakhaba khandi bakhaba, ne shibanyoola inzu tawe. Lirunda liachaka okhupa.

Mufise fitutu babira imbeba. Yali ikasia efimuli efiungasie. "Okhabanga eshindu?" Imbeba yareeba. "Ne habwene imbeba, ekhabanga inzu yanje. Ochilutsikwo?"

Imbeba yaboola, "Ekhachilola ta, alali endakhukhonya okhukhaba!" Yanina khumukongo kwe likhutu. "Linda hatutu. Shindakhalekha efimuli fianje ta." Likhutu lialinda. Imbeba yenyiira khandi yiinyiira okhukama efimuli fie efiungasie.

Likhutu liatsiririra okhuchenda, ne likhomonio, imbirimbinzi, liyoni likhasi nende imbeba bali khumukongo kwaye. Bakhaba khandi bakhaba, alali shibanyoola inzu ta. Omuyeka kweya amasafu khwiloba khandi kubotokhana mufilenje fie likhutu. Likhutu liachonya. "Muli abasiro mwesi," liakwisia amaumo.

Omuyeka kwakhupa naamani. Likuku liamalia. "Oh, inzu yanje ili ena?" Likhutu liareba. Likulu liatulukha mufikulu. Ikhupa yakhosia ehale. Ndo-ndo ifula yaronya. "Oh, inzu ye likhutu ili ena?" Likhomonio, imbirimbinzi, liyoni likhasi ne imbeba bareeba.

Omuyeka omusiro kwe shifulumutu kwakhupa. Kwayula likhomonio, imbirimbinzi, liyoni likhasi nende imbeba okhurula khu mukongo kwe likhutu.

Ifula ya machina yakwa, tip-tip-tip. Likhutu liatirwa noburi niliikhuna mulikamba. Lianyoola obutundumu obulayi mwo. "Oo, inzu yanje njieyi!"

"Oo, inzu ye likhutu njieyi!"