Emiaka chiabira, tsisolo tsietsinzika tsiakhalaka liparo okhuba nende obucheni obukhongo ekulu mufikulu. Balanga tsisolo tsindi tsietsinzika tsionyone. Omundu undi yesi yesi tawe.
Olwa ingurwe yaulira likhuwa liobucheni ibo, yapara, "Embula tsinzika. Endakhola shina?"
Mustuli bushiere, yanyoola inganakani. Alahandia tsinzika khumurwe kwaye okhurumushira iula.
Inganakani yayo yatiya ne ingurwe ilola ili nende amachesi lwayenjisibwa mubucheni. Eshibi shiali mbu obucheni bwali butsiririra hambi ne eliuba.
Olwa obucheni bwetsulamwo oluuya, iula yachaka okhusalulukha na tsinzika tsiayo tsikwa. Tsisolo tsietsinzika tsiauka. "Niwina oyo ubula tsinzika? Yetsere shina hano?" bareeba.
Omwami we tsisolo yalokha, "Khamare ingurwe muchifube hasi khushialo." Bakhamara ingurwe bachifuba hasi khushialo.
Eshibera khungurwe! Olwa yakwa, yakwira amolu kayo. Eliulu liayo liapama khandi listoba.
Kho olauka ta nolola eliulu lieingurwe liapama khandi okhutsoba, shichira liali lirio okhurula khale.