አዲሴ ወንዶች ልጆች ኳስ ሲጫወቱ እየተመለከተች ነው፡፡ ከልጆቹ ጋር ተቀላቅላ መጫወት ፈለገች፡፡

አሰልጣኙንም ከልጆቹ ጋር እግር ኳስ ልምምድ መስራት ትችል እንደሆነ ጠየቀችው፡፡

አሰልጣኙ እጆቹን ወገቡ ላይ አደረገ፡፡ ''በዚህ ት/ቤት ወንድ ልጆች ብቻ ናቸው እንዲጫወቱ የተፈቀደላቸው'' አለ፡፡

ልጆቹ ሄዳ እጅ ኳስ እንድትጫወት ነገሯት፡፡ እነሱም ለሴት እጅ ኳስ እንደሆነ፤ እግር ኳስ ግን ለወንድ ልጆች እንደሆነ ነገሯት፡፡ አዲሴ ተናደደች፡፡

በሚቀጥለው ቀን ትምህርት ቤቱ ታላቅ የአግር ኳስ ግጥሚያ ነበረበት፡፡ አሰልጣኙ በጣም ተጨንቋል፡፡

ምክንያቱም የቡድኑ ወሳኝ ተጫዋች በሕመም ምክንያት መጫወት ባለመቻሉ ነበር፡፡

አዲሴ ወደ አሰልጣኙ እየሮጠች ሄዳ እንድትጫወት እንዲፈቅድላት ለመነችው፡፡ አሰልጣኙ ምን ማድረግ እንዳለበት ግራ ገባው፡፡ ከዚያም አዲሴ ቡድኑን እንድትቀላቀል ፈቀደላት፡፡

ጨዋታው በጣም ፈታኝ ነበር፡፡ በመጀመሪያው ግማሽ የጨዋታው ክፍለ ጊዜ ማንም ጎል ሊያስቆጥር አልቻለም፡፡

በሁለተኛው አጋማሽ የጨዋታው ጊዜ ከልጆቹ መካከል አንዱ ኳስ ለአዲሴ አቀበላት፡፡ ኳሱን በፍጥነት ወደ ጎል እያንከባለለች ሄደች፡፡ ከዚያም ኳሱን በኃይል አክርራ መታችውና ጎል አስቆተረች፡፡

ተመልካቹ በደስታ አበደ፡፡ ከዚያም ቀን ጀምሮ ሴቶች በትምህርት ቤቱ  ኳስ እንዲጫወቱ ተፈቀደላቸው፡፡