Ili si angu 'wi ndra oce talaa tu.

O'du karakara Ogulegua a'a 'dani yi mvuza koko ru.

"Kirikiri ale mani yi ni fo, ka tro eti li alu pati bi ma dria."

Te ata andreli dria ongu te.

"Aka yi mvu mbele ku, ma nga dra te," Ogulegua ri di owu 'dini. "Le ece kokoru ma ma mu yi ara mani e'yo erizu drinia 'dia ri ma tia 'dale."

"Yi ara 'dani nga mi 'du te," Ajaroa ondoa beri nga eri ma bile ndu li 'dini.

Te yi vico fu Ogulegua ni ambamba. "Ma nga dra te aka yi were ni mvu ku ria."

Ogulegua fu mu yi ara ri nda si.

Ayise 'wiza pi ma dria si pati arakala 'wiza pi ma talaa pie.

Kpere erini yi ara ma o'duko eriria.

Ogulegua se yi ambiza ezu.

Ayiko dri teni di yima gogofi imu pi ri nee ku.

Ogulegua o'bi ayise a'wi ra pi ima drile ri ebi. Te yi 'du eri te.

"Ba azini ma ko ma aza yo. Kirikiri si iko ma aza fo."

"Mbele, mi etu, "A'balau emvea pati arakala bii pi ima tia ri 'yo 'dile.

"Ma eco ni angu 'diri ku ku kpere mani awa'difo feria A'balau ni. Ma nga te kpere erini emuria yi mvuria."

O'du alu eri ni te ria, agupianzia iri ni pi emu yi ara ma tia eyi ma abitara pie.

"A'balau azi ambo emve ni aci yi mvu 'dia 'dia," mva alu ri nga yo. "Ama andru odresi enya nya eri si."

"Ma eco ni fe agupianzia 'diyi ni A'balau emvea ri ni 'dizu ku. Te ma gakanyaa 'dole, ma eco a'di afa 'ye i ka?"

Coti A'balau emvea ri esa pati sia risi vaa yi mvuzu.

Ondoa azini ega Ogulegua ma dria.

Eri mbu mva aluri ma pa, ra ci pa ni rii.

Mva nde nga mbu awu pie, "Maye maye."

Ori si A'balau emvea ri sa re i zizu.

"Di di bele ni geri ndra Ogulegua ni awa'difo fezu A'balau ni eri ni i pazu risi ri i."